Գերմանիայի 25 հայ նկարիչներ մեկ ցուցահանդեսում. Լայպցիգի Հայ Մշակութային Միության Փարաջանովի 100 ամյակին նվիրված ձեռնարկը

 Լայպցիցի Հայ Մշակութային Միության կազմակերպությամբ տեղի ունեցավ Փարաջանովի 100 ամյակին նվիրված ցուցահանդես-միջոցառում՝ մոտ 25 հայ գերմանաբնակ արվեստագետների ստեղծագործություններով։ Նկարիչները ներկայացրեցին փարաջանովյան մոտիվներով իրենց գործերը։ Տարբեր քաղաքներից ժամանած նկարիչների մեծ մասը ներկայացրեցին իրենց նկարների թեմաները։ 

Նկարչուհի Անահիտ Մկրտչյանը ամփոփ ներկայացրեց Փարաջանովի կենսագրությունը։ Երեկոն հայկական դուդուկով ջերմացրեց Արտեմ Սարգսյանը։  

Բացմանը ներկա էին նաեւ Հոգեւոր Հովիվ Տեր Հակոբ Հակոբյանը եւ ՀՀ դեսպանատան ներկայացուցից Սահակ Եղիազարյանը, ինչպես նաեւ Լայպցիգ քաղաքի տարբեր մշակութային միությունների ներկայացուցիչներ: 

 Շատ խորհրդանշական էր Ուկրանիայի համայնքի ներկայացուցչի շնորհակալական խոսքն ու անակնկալը Լայպցիգի Հայ Մշակութային Միությանը։ Շնորհակալություն բոլոր արվեստագետներին, որ կարելի եղավ ամբողջ Գերմանիայով՝ համախմբված մեկ վայրում եւ խորհրդանշական կերպով նշել Փարաջանովի 100 ամյակը։ 

 Միջոցառումը տեղի ունեցավ Լայպցիգի Միջ-մշակութային շաբաթների շրջանակում (Interkulturelle Wochen Leipzig 2024), ինչպես նաեւ Երեւան-Լայպցիգ քույր քաղաքների շրջանակում, եւ ՀՀ Դեսպանության համագործակցությամբ։ Ցուցահանդեսը կշարունակվի մինչեւ սեպտեմբերի 14-ը, ապա կցուցադրվի Գերմանիայի տարբեր քաղաքներում։ 

Շնորհակալություն Էդուարդ Փանոսյանին՝ EduArt Galeria-ն տրամադրելու համար։ Շնորհակալություն ցուցահանդեսը համակարգող Անահիտ Բաբայանին եւ բոլոր աջակիցներին։

 Լայպցիգի Հայ Մշակութային Միություն

Հատուկ ՕՐԵՐ-ի համար

Armenische Kulturgemeinde Leipzig e.V. 

 Mehr Info: https://armenier-leipzig.com/ausstellung-von-30-08-14-09-2024-100-geburtstag-sergey-parajanow-vernissage/

1. Էլինա ԱԲՈՎՅԱՆ (Երևան/Լայպցիգ)
2. Ավո ԱՌԱՔԵԼՅԱՆ (Բեռլին).
3. Մարիետա ԱՐՄԵՆԱ (Բրեմեն)
4. Սիրարփի ԱՍԱՏՐՅԱՆ (Բեռլին)
5. Ավագ ԱՎԱԳՅԱՆ (Բեռլին)
6. Գագիկ ԲԱԲԱՅԱՆ (Հայդելբերգ)
7. Չանգլյան ՍՈՒՐԵՆ (Օլդենբուրգ)
8. Զորիկ ԴԱՎԻՋԱՆ (Քեմնից)
9. Սիլվինա ԴԵՐ ՄԵԳՈՒԵՐԴԻՉՅԱՆ (Բեռլին)
10. Ռոուզ Էյզեն / Rosanna Eisenmenger-Karapetian (Բեռլին)
11. Արչի ԳԱԼԵՆՑ / Հարություն Գալենց (Բեռլին)
12. Սամվել ԳԱԲՐԻԵԼՅԱՆ (Լայպցիգ).
13. Ստեփան ԳԱՆՏՐԱԼՅԱՆ (Բեռլին).
14. Սեմ ԳՐԻԳՈՐՅԱՆ (Բեռլին).
15. Եվա ՀԱՐՈՒԹ (Դրեզդեն)
16. Մխիթար ՀԱԿՈԲՅԱՆ (Սիեգեն).
17. Արարատ ՀԱՅԴԵՅԱՆ (Քլայնկմեհլեն)
18. Հասմիկ ՀՈՎՍԵՓՅԱՆ-ՀԱՅԴԵՅԱՆ (Քլայնկմեհլեն)
19. Հրաչ ԳԱԼՈՒՍՏԵԱՆ (Հալէ/Սալէ)
20. Գագիկ ԿՈՒՐԳԻՆՅԱՆ (Բեռլին).
21. Անահիտ ՄԿՐՏՉՅԱՆ (Օրանիենբուրգ).
22. Էլինա ՄԱՐՏԻՐՈՍՅԱՆ (Բեռլին).
23. Էդուարդ ՓԱՆՈՍԵԱՆ (Լայպցիգ).
24. Նագաշ ԹԱՐԶՅԱՆ (Հյուրթ)
25. Անի ՏԻԴԵՄԱՆ (Օրանիենբուրգ)