Հունիսի 11-ին ժամը 19.30-ին առաջին անգամ չեխ հանդիսատեսին կներկայանա երիտասարդ վիրտուոզ դաշնակահարուհի Եվա Գևորգյանը։ 20-ամյա ռուսահայ դաշնակահարուհին արդեն իսկ հաստատվել է որպես դաշնամուրային աշխարհի ամենախոստումնալից տաղանդներից մեկը։
Եվա Գևորգյանը նվագել է աշխարհի բազմաթիվ ճանաչված նվագախմբերի հետ և մասնակցել մի քանի երաժշտական փառատոների։ Եվան ելույթներ է ունեցել այնպիսի դիրիժորների հետ, ինչպիսիք են Վլադիմիր Սպիվակովը, Վասիլի Պետրենկոն և շատ ուրիշներ։ Եվա Գեւորգյանը Վարշավայում կայացած Շոպենի միջազգային XVIII-րդ մրցույթի եզրափակիչի ամենաերիտասարդ մասնակիցն էր։
Եվան նաև 2019 թվականին արժանացել է ICMA Discovery Award-ի դափնեկրի կոչման։ Ընդհանուր առմամբ նա մրցանակների է արժանացել ԱՄՆ-ում, Եվրոպայում և Ռուսաստանում դաշնամուրային ավելի քան քառասուն միջազգային մրցույթներում: Եվան դարձել է նաեւ Young Yamaha Artista ծրագրի մասնակից և միևնույն ժամանակ կրթաթոշակների է արժանացել Լիխտենշտեյնի Երաժշտության միջազգային ակադեմիայից, Դենիս Մացուևի Նոր անուններ հիմնադրամից, YerazArt հիմնադրամից, Վլադիմիր Սպիվակովի Artis Futura-ից և Ամերիկայի Հայկական համագումարից։
Ավելացնենք, որ Եվա Գևորգյանը ծնվել է 2004թ. ապրիլին: Սովորում է Մոսկվայի պետական կոնսերվատորիայի պրոֆեսոր Նատալի Թրուլի մոտ:
Պրահայի համերգի ընթացքում նա կկատարի Մոցարտի « Դաշնամուրի և նվագախմբի համար թիվ 27 բ մաժոր Բ մաժոր K. 595 կոնցերտը», այլեւ Բեթհովենի «Դաշնամուրի և նվագախմբի համար թիվ 1 դո մաժոր, օպ. 15» կոնցերտը»։
Orer.eu
