Նոյեմբերի 1-ին կեսգիշերին մոտ ձայների ճնշող մեծամասնությամբ՝ 50 կողմ, 25 դեմ, 2 ձեռնպահ Ժնեւի կանտոնի խորհրդարանը բանաձեւ ընդունեց, որով Դաշնային խորհրդից պահանջում է համանման բանաձեւով հետամուտ լինել Ադրբեջանում պահվող հայ ռազմագերիների ազատարձակման հարցում, հիշեցնելով, թե ԼՂ վրա հարձակումից եւ այն բռնակցելուց հետո Ադրբեջանը քաղբանտարկյալների ազատազրկմամբ շարունակում է ոտնահարել Ժնեւի կոնվենցիան:
Նոյեմբերի 11-ին Բաքվում անցկացվող COP29-ից առաջ հիշյալ բանաձեւը հուշում է եւ պարտավորեցնում Շվեյցարիայի կառավարությանը, որ միջազգային մարդասիրական իրավունքի ակնհայտ խախտումը, լռության քաղաքականությունը չի համապատասխանում Շվեյցարիայի որդեգրած արժեքներին:
ԱՆԱՀԻՏ ՀՈՎՍԵՓՅԱՆ
ԱԶԳ, Ազգ
