Հունիսի 13-ին առաջին անգամ գերմանալեզու (քրիստոնեական) մամուլում հրապարակվեց հետեւյալ նախաբանով տեղեկույթը. «Դարերով Հռոմից անջատված երկու եկեղեցիների՝ Անգլիկան եւ Հայ առաքելական եկեղեցիների պաշտոնյաները ողջունել են Վատիկանի առաջարկները պապական իշխանության իրականացման նոր ձեւի վերաբերյալ: Վատիկանն առաջարկել է նոր փոխըմբռնման, պապի պաշտոնի գերակայության նոր ըմբռնման փաստաթղթի վերաբերյալ, որ արմատական փոփոխություններ է նախատեսում Կաթոլիկ եկեղեցու համար եւ որը պիտի նպաստի քրիստոնեական միասնության վերականգմանը»:
Սուրբ Աթոռում Հայ առաքելական եկեղեցու ներկայացուցիչ Խաժակ արք. Պարսամյանը ողջունելով ասել է, որ «այսուհետ փաստաթուղթը հղման կետ է լինելու եկեղեցիների միջեւ քննարկումների համար, առաջարկել, որ դրանից բխող հեռանկարները պետք է խորացնեն եկեղեցիների միջեւ կապը Նիկիայի ժողովի 1700-ամյակին»:
ԱՆԱՀԻՏ ՀՈՎՍԵՓՅԱՆ
Գերմանիա
