Լուսանկարում՝ Լավագույն օպերատոր ճանաչված Սուրեն Թադեւոսյանին մրցանակը հանձնում է դերասանուհի Լիլի Էլբակյանը։
Ապրիլի 16-ին՝ Հայ կինոյի օրը, «Դվին մյուզիք հոլում» կայացավ Հայկական ազգային կինոակադեմիայի «Անահիտ» 4-րդ մրցանակաբաշխության հանդիսավոր արարողությունը։ Վերջին երկու տարիներին նկարահանված ֆիլմերից լավագույնը ճանաչված աշխատանքները գնահատվեցին ըստ արժանվույն։ Մրցանակները գտան իրենց երջանիկ տերերին։
Լավագույն խաղարկային ֆիլմ ճանաչվեց «Ամերիկացի» կինոնկարը /պրոդյուսեր՝ Արման Նշանյան, ռեժիսոր՝ Մայքլ Գյուրջյան/․
Լավագույն ռեժիսորական աշխատանքի համար մրցանակ շնորհվեց էդգար Բաղդասարյանին ( Յաշան ու Լեոնիդ Բրեժնևը )
Լավագույն օպերատորական աշխատանքի համար մրցանակ շնորհվեց Սուրեն Թադևոսյանին ( Յաշան ու Լեոնիդ Բրեժնևը )
Լավագույն սցենարի համար մրցանակի արժանացավ էդգար Բաղդասարյանը (Յաշան ու Լեոնիդ Բրեժնևը )
Տղամարդու լավագույն դերակատարման համար մրցանակը շնորհվեց Մայիս Սարգսյանին ( Յաշան ու Լեոնիդ Բրեժնևը )
Կնոջ լավագույն դերակատարման համար մրցանակի արժանացավ Նարինե Գրիգորյանը (Ամերիկացի)
Լավագույն նկարչական ձևավորման համար մրցանակի արժանացան Ներսես Սեդրակյանը և Ավետ Տոնոյանցը (Ամերիկացի)
Ֆիլմի լավագույն երաժշտության համար մրցանակը շնորհվեց Անդրանիկ Բերբերյանին (Ամերիկացի)
Լավագույն հնչյունային ձևավորման համար մրցանակի արժանացավ Տիգրան Կուզիկյանը (Յաշան ու Լեոնիդ Բրեժնևը)
Լավագույն վավերագրական ֆիլմ ճանաչվեց «Արշալույսի լուսաբացը» ( ռեժիսոր՝ Իննա Սահակյան)
Լավագույն կարճամետրաժ ֆիլմ ճանաչվեց «250 կմ» -ը (ռեժիսոր՝ Հասմիկ Մովսիսյան)
Լավագույն անիմացիոն ֆիլմ ճանաչվեց «Թռչող տերևների երգը» ( ռեժիսոր՝ Արմինե Անդա)
«Անահիտ» 4-րդ մրցանակաբաշխության Հատուկ մրցանակը շնորհվեց կոմպոզիտոր Ռոբերտ Ամիրխանյանին՝ կինոյի զարգացման գործում ունեցած նշանակալի ավանդի համար։
Շնորհավորում ենք բոլոր մրցանակակիրներին և մաղթում նորանոր հաջողություններ։
Հայաստանի Ազգային կինոակադեմիա
