Հայաստանի Գիտությունների Ազգային Ակադեմիան խորը վշտով տեղեկացնում է, որ 59 տարեկան հասակում կյանքից հեռացել է ՀՀ ԳԱԱ Մ. Աբեղյանի անվան գրականության ինստիտուտի տնօրեն, բանասիրական գիտությունների դոկտոր Վարդան Գևորգի Դևրիկյանը:
Վարդան Դևրիկյանը ծնվել է 1964թ. մայիսի 18-ին ՀՀ Վանաձոր քաղաքում:
1986թ-ին ավարտել է Երևանի պետական համալսարանի բանասիրության ֆակուլտետը:
1989թ-ից մինչ օրս աշխատել է Մաշտոցի անվան Մատենադարանում:
1990- 1992 թթ. եղել է «Լուսաւորիչ» թերթի գլխավոր խմբագիրը:
Մասնակցել է Արցախյան պատերազմին, 1994թ. մայիսի 28-ին պարգևատրվել ՀՀ «Մարտական խաչ» երկրորդ աստիճանի շքանշանով:
1993 – 2009 թթ. աշխատել է նաև Մայր Աթոռ Սուրբ Էջմիածնում, որպես «Էջմիածին» ամսագրի գլխավոր խմբագիր և Մայր Աթոռի Ձեռագրատան վարիչ:
2009թ. դեկտեմբերից եղել է ՀՀ ԳԱԱ Մ. Աբեղյանի անվան Գրականության ինստիտուտի փոխտնօրեն, իսկ 2015թ. մայիսից առ այսօր՝ ինստիտուտի տնօրեն:
Հեղինակ է 40-ից ավելի գրքերի և 60-ից ավելի գիտական հոդվածների, որոնք լույս են տեսել հայերեն, ռուսերեն, անգլերեն, ֆրանսերեն և ռումիներեն լեզուներով:
Ամուսնացած է, ունի մեկ աղջիկ:
Վարդան Դեւրիկյանը նաեւ Արցախյան առաջին պատերազմի մասնակից էր, 1990ականների սկզբին պարգեւատրվել էր Մարտական Խաչ Երկրորդ աստիճանի շքանշանով։ ՀՀ բանակի կապիտան էր 1994 թվականից։ 1988-1994 թվականներին պարբերաբար եղել է Հայ Զինվոր եւ Երկիր թերթերի հատուկ թղթակից Արցախում, 1994 թվականի փետրվար-հուլիսին՝ Մարտակերտի ռազմաճակատում տեղաբաշխված 5-րդ առանձին մոտոհրաձգային կամավորական բրիգադի օպերատիվ բաժնի ավագ սպա։ ՀՀ մամուլում հրատարակել է Ղարաբաղյան շարժմանը և պատերազմին նվիրված հարյուրավոր հոդվածներ։
ԿԳՄՍ նախարարությունը իր վշտակցությունն է հայտնում Վարդան Դևրիկյանի ընտանիքին, հարազատներին ու գործընկերներին։
ՕՐԵՐ ամսագրի խմբագրակազմը խորապես ցավակցում է հանգուցյալի հարազատներին ու բարեկամներին։ Աստված հոգին լուսավորի։
orer.eu
