Կատալոնիայի խորհրդարանում ներկայացվել են Արցախի հարցը եւ ադրբեջանական շրջափակման հետեւանքները

  • 16.03.2023
  • 0
  • 260 Views

Կատալոնիայի խորհրդարանը « Արարատ» հայկական միության խնդրանքով կազմակերպել էր խորհրդարանի միջազգային հարաբերությունների խմբի հետ հանդիպում։

Կատալոնիայի «Արարատ» միության նախագահ Սարգիս Հակոբյանը ներկայացրել է Արցախում ստեղծված իրավիճակը, Ադրբեջանի կողմից շրջափակումը և պահանջել է, որ կատալոնացի խորհրդականները բարձրաձայնեն Արցախի հարցը, նրա ինքնորոշման իրավունքի խնդիրը, այսօրվա հումանիտար աղետը։

Սարգիս Հակոբյանը մասնավորապես իր խոսքը սևեռեց Արցախում մարդու իրավունքների խնդրի վրա, թե ինչպես է Ալիևյան կլանը կեղծ օրակարգեր առաջ քաշում, հրաժարվում արցախցիների հետ երկխոսության միջազգային մեխանիզմից ու ձևաչափից, դիմում է սադրիչ գործողությունների ինչպես շփման գծում, այնպես էլ ՝ Լաչինի միջանցքում՝ սպանելով արցախցի հայ ոստիկանների։

Կատալոնացի խորհրդարանականների կողմից այս կարևոր խնդիրների բարձրաձայնելը միջազգային կառույցներում, կողմերի պատկերացմամբ, կնպաստեր Արցախի հայության արդար պահանջին։

ՍԵփ. թղթ.

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում