2022 թվականի հոկտեմբերին Plácido Domingo Operalia հեղինակավոր մրցույթում հաղթանակած մեր շնորհաշատ հայրենակցուհի Ջուլիանա Գրիգորյանը հանդես կգա Պրահայի Ռուդոլֆինում հայտնի դահլիճում։ Այս մասին ՕՐԵՐին հայտնեցին Nachtigall Artists Management ընկերությունից։ Ջուլիանայի զուգընկերը բեմում կլինի չեխ տենոր Պետր Նեկորանեցը։
Հիշեցնենք, որ չորս ամիս առաջ՝ 2022 թվականի հունիսին,Ջուլիանան արժանացել էր նաեւ առաջին կարգի մրցանակին Վարշավայում կայացած Ստանիսլավ Մոնյուշկոյի երգեցողության միջազգային մրցույթում։ Ինչպես նշում են երաժշտագետները, 25 տարեկանում նա արդեն իսկ մեծ կարիերայի շեմին է եւ փաստորեն արդեն հատել է այդ շեմը։
Ջուլիանան ավարտել է Երևանի պետական կոնսերվատորիան և 2018 թվականին դարձել Հայաստանի ազգային օպերայի երիտասարդ արտիստների նախագծի անդամ։
2022 թվականի դեկտեմբերին Ամստերդամի Հոլանդիայի ազգային օպերայում նա ներկայացել է Լիուի (Տուրանդոտ) կերպարով, իսկ 2023 թվականի մարտին Ռավեննայում կխաղա Միմի (Բոհեմա)։ Հունիսին նախատեսված է նրա դեբյուտը Միլանի Լա Սկալայում, որտեղ հանդես կգա որպես Երկրորդ անտառային աղջիկ Դվորժակի հանրահայտ Ռուսալկայում։/Ջրահարսը/։
Տենոր Պետր Նեկորանեցը նույնպես բազմաթիվ համաշխարհային մրցույթների դափնեկիր է։ Պրահայի Ազգային թատրոնի օպերայի մեներգիչը 2022 թվականի հոկտեմբերին Ֆլորենցիայում գերազանց է կատարել Օրոնտի դերակատարումը՝ Հենդելի Ալկինայում Սեսիլիա Բարտոլիի հետ գլխավոր դերում, իսկ 2023 թվականի մարտին՝ Պիլադեսի դերում (Gluck: Iphigénie na Tauride) Նենսիի ազգային օպերայում:
Պրահայի հանդիսատեսը առիթ կունենա լսելու ինչպես արիաներ, այնպես էլ դիտելու Դոնիցետիի, Գունոդի, Պուչինիի, Վերդիի օպերաների որոշ տեսարաններ, որոնց թվում կլինի նաեւ Դվորժակի «Ռուսալկան»:
Համերգի հյուրը կլինի նաեւ բարիտոն Բորիս Պրիգլը, որը երկու հեղինակավոր միջազգային մրցույթների՝ Belvedere-ի և Operalia Plácido Domingo-ի ֆինալիստն է եւ արժանացել է Birgit Nilsson մրցանակին։
Տոմսակների մասին հավելյալ տեղեկություններ ստանալու համար հետեւեք համերգի ֆեյսբուքյան էջին։
(1) JULIANA GRIGORYAN & PETR NEKORANEC | Facebook
orer.eu
