Կոմիտասի անվան կամերային երաժշտության տանը համերգով հանդես կգա միջազգային մրցույթների դափնեկիր, սոպրանո Գոհար Հակոբյանը (Բելառուս)։ Համերգը տեղի կունենա մայիսի 21-ին, ժամը 19:00:
Կոնցերտմայստեր՝ դաշնակահար, Ալ․ Սպենդիարյանի օպերայի և բալետի ազգային ակադեմիական թատրոնի Երիտասարդական օպերային ծրագրի ղեկավար Լևոն Ջավադյան։
Համերգին կհնչեն Ջ. Ռոսինիի, Ջ. Վերդիի, Ջ. Պուչինիի, Գ. Դոնիցետիի, Շ. Գունոյի, Կոմիտասի, Պ. Ի. Չայկովսկու, Ս. Ռախմանինովի և այլոց ստեղծագործությունները։
Նշենք, որ Գոհար Հակոբյանն ակտիվ համերգային գործունեություն է ծավալում Բելառուսում։ Արտիստն իր բոլոր համերգներին պարտադիր ներկայացնում է հայ կոմպոզիտորների ստեղծագործությունները։
orer.eu
