Վարչապետ Նիկոլ Փաշինյանի որոշմամբ, Ռոբերտ Աբիսողոմոնյանը նշանակվել է Հայաստանի արտաքին գործերի նախարարի տեղակալ:
Ծնվել է 1985 թվականին Երեւանում, ավարտել է Երեւանի պետական համալսարանի միջազգային հարաբերությունների բաժինը, Բուխարեստի համալսարանի քաղաքագիտության ֆակուլտետի դոկտորանտուրան։ Սովորել է նաեւ Հայաստանի դիվանագիտական դպրոցում։
2009 թվականից աշխատել է Հայաստանի ԱԳՆ համակարգում։ 2011-13 թթ աշխատել է Ռումինիայում ՀՀ դեսպանի օգնական, 2017-20 թթ ԵԱՀԿում ՀՀ մշտական ներկայացուցչության կցորդ, 2021-2025 թթ ՀՀ արտգործնախարարի օգնական, ապա՝ խորհրդական։
