Միլանի ձմեռային օլիմպիադայում ավարտվեց գեղասահքի զույգերի ազատ ծրագրի կատարումը։ Արդյունքում օլիմպիական ոսկին գնաց Ճապոնիա, արծաթը՝ Վրաստան եւ բրոնզե մեդալը՝ Գերմանիա։ Հայաստանը ներկայացնող Կարինա Ակոպովան և Նիկիտա Ռախմանինը այսպիսով ավարտեցին ելույթները Օլիմպիական խաղերում՝ ազատ ծրագրում վաստակելով 114.39 միավոր։ Ցավոք, Ակոպովան երկու պտույտների ժամանակ սխալվեց, եւ դա ազդեց վերջնական գնահատականի վրա։
Կարճ ծրագրում զույգը հանդես եկավ մաքուր և վստահ ելույթով՝ հավաքելով 66.27 միավոր։
Ընդհանուր արդյունքը կազմեց 180.66 միավոր։
Հայաստանի զույգը այսպիսով զբաղեցրեց 14-րդ տեղը, որն այնքան էլ վատ արդյունք չէ օլիմպիական խաղերում առաջին անգամ ելույթի համար։
orer.eu
