Հունիսի 24-25-ը աշխատանքային այցով Պրահայում էր գտնվում Երեւանի պետական համալսարանի ռեկտոր Հովհաննես Հովհաննիսյանը։ Ինչպես տեղեկանում ենք Չեխիայում Հայաստանի դեսպանությունից, այցի շրջանակներում ԵՊՀ ռեկտորը հանդիպումներ է ունեցել Կարլի համալսարանի ռեկտոր Միլենա Կրալիչկովայի և արտաքին հարաբերությունների գծով պրոռեկտոր Եվա Վոլդրժիխովա Բերանկովայի հետ:
Քննարկվել են երկկողմ ակադեմիական և ինստիտուցիոնալ համագործակցության ընթացքն ու հեռանկարները:
Հունիսի 25-ին համալսարանների ռեկտորները ստորագրել են երկու համալսարանների միջև համագործակցության հուշագիր, որով նախանշվում են առաջիկա տարիներին ուսանողների փոխանակման ծրագրերը։
Երեւանի համալսարանի ռեկտորին Հայաստանի դեսպանությունում հյուրընկալել է Չեխիայում ՀՀ դեսպան Աշոտ Հովակիմյանը։
orer.eu
