Ինչպես հաղորդում է Չեխիայում Հայաստանի դեսպանությունը, մայիսի 30-ին դեսպանության երկրորդ քարտուղար Արամ Քարամյանը և երրորդ քարտուղար Զոյա Թովմասյանը մասնակցեցին Լիդիցեի կերպարվեստի մանկական միջազգային 52-րդ ցուցահանդեսի բացման և մրցանակաբաշխության արարողությանը։
Ցուցահանդեսին, որի այս տարվա բնաբանն էր՝ «Քարավան» մասնակցելու համար իրենց գործերն են ներկայացրել ավելի քան 12.000 երեխաներ աշխարհի 81 երկրներից։ Հայաստանից ներկայացվել է 142 աշխատանք Երևանի, Կապանի և Դիլիջանի արվեստի դպրոցներից:
Ցուցահանդեսի մեդալների արժանացան Կապանի մանկական գեղարվեստական դպրոցի 12-ամյա աշակերտուհի Կարոլինա Շահբարյանը եւ Հովհաննես Շարամբեյանի անվան Դիլիջանի արվեստի դպրոցը՝ իր նկարների հավաքածոյի համար։ Հայաստանից եւս երեք մասնակցի տրվեց խրախուսական պատվոգիր։
orer.eu
Լուսանկարները՝ ՀՀ դեսպանության
