Ինչպես ՕՐԵՐ-ին տեղեկացնում է ՀԲԸՄ հայկական բարեգործական միության Վառնայի «Բաեգործականը», մայիսի 22-ին նշվեց Շառլ Ազնավուրի ծննդյան 100-ամյակը՝ մարդու, ով իր կյանքը վերածեց սերունդների մշակութային եւ երաժշտական ժառանգության։
Միջոցառումը սկսվեց ծաղկեպսակների եւ ծաղիկների զետեղման արարողակարգով Մաեստրոյի հուշարձանի առջեւ, որը կառուցվել է 2022 թվականին քաղաքի սրտում՝ «Սաեդինենիե» հրապարակում ՀԲԸՄ Վառնայի մասնաճյուղի նախաձեռնությամբ:
Հայաստանի դեսպանությունից էլ տեղեկացնում են, որ միջոցառմանը ելույթ ունենալով՝ դեսպան Արմեն Եդիգարյանը նշել է, որ Շ. Ազնավուրի հարուստ ժառանգությունն այժմ պատկանում է մարդկությանը և դեռևս գալիք սերունդներին: Եվ դա միայն երգերը, ֆիլմերը և այլ ստեղծագործական նախագծերը չեն: Շառլ Ազնավուրը ֆրանսիական երաժշտության և մշակույթի դեսպանն էր աշխարհում, նրա տաղանդով հիանում էր ամբողջ աշխարհը: Նա նաև եղել է ՅՈՒՆԵՍԿՕ-ում և Շվեյցարիայի Համադաշնությունում Հայաստանի դեսպանը։ Բայց ավելին, նա միշտ եղել է մարդասիրության և հանդուրժողականության դեսպան և ջատագով: Անկանխատեսելի և չափազանց վտանգավոր միջավայրում աշխարհն ապրում է մեր օրերում, մենք բոլորս կարիք ունենք այդպիսի ճշմարիտ ժողովրդական առաջնորդների:
Միջոցառմանը ներկա են գտնվել Վառնայի քաղաքապետը, նահանգապետը, ԲՀ ԱԺ պատգամավորները, ՏԻՄ և հայ համայնքի ու բուլղար հասարակության ներկայացուցիչները եւ իհարկե, կարեւոր էր Եվրախորհրդարանի պատգամավոր Էմիլ Ռադևի ներկայությունը, որը ավելի քան 20 տարի աջակցում է բուլղարահայությանը։
Միջոցառումը շարունակվեց Շառլ Ազնավուրին նվիրված տոնական համերգով Գրաֆիտի պատկերասրահում՝ «Քեզ համար, Շառլ» համերգային ծրագրով, որի ընթացքում ելույթ ունեցավ Հայաստանից ժամանած օպերային աստղ Հասմիկ Հարությունյանը։ Նրա վիրտուոզ կատարումները մարզասրահը ոտքի հանեցին, իսկ ծափերը չէին դադարում։
Շառլ Ազնավուրը մեզ կրկին համախմբեց բոլորին եւ օրը դարձավ հոբելյանական։
orer.eu
