Կատալոնիայի խորհրդարանը պահանջել է անհապաղ դադարեցնել Ադրբեջանին զենքի բոլոր վաճառքները

  • 17.03.2023
  • 0
  • 59 Views

Երեկ հայտնել էինք, որ Կատալոնիայի խորհրդարանում քննարկվել է Արցախի հարցը եւ նրան առնչվող խնդիրները։ Այսօր խորհրդարանը հրապարկել է քննարկումների արդյունքում ընդունված որոշումը։

Խորհրդարանն իր մտահոգությունն է հայտնում ՀՀ-ի սահմանները Ադրբեջանի կողմից շարունակական խախտման կապակցությամբ, նրա ապակայունացնող գործողությունների համար:

Կոչ է անում վերականգնել խաղաղ բանակցությունները Հարավային Կովկասում երկարաժամկետ խաղաղության հասնելու համար

1 Պահանջում է, որ Ադրբեջանի Հանրապետությունը դադարեցնի ռազմական գործողությունները Լեռնային Ղարաբաղում ու շփման սահմանին,ու հատկապես պետք է զերծ մնա ՀՀ սահմանները խախտելուց եւ վերադառնա հրադադարով հաստատված ստատուս քվոյին, որը արտացոլված է 2020 թվականի եռակողմ հայտարարությամբ։

Միաժամանակ կոչ է անում կողմերին ձեռնարկել ամեն ինչ նրանց տրամադրության տակ գտնվող դիվանագիտական ​​գործիքներով ՝ վերականգնելու խաղաղությունը։

2 Խորհրդարանը Եվրամիությունից պահանջում է իր լծակները օգտագործելու ՝ նախ 2020 թվականի հրադադարի համաձայնագրին վերադարձի մասին, իսկ հետո՝ արդար և երկարատև խաղաղությանը հասնելու համար՝ ուղղված քայլեր անել։ Նաև պահանջում է անհապաղ դադարեցնել Ադրբեջանին զենքի բոլոր վաճառքները։

3 Կոչ է անում անհապաղ ազատ արձակել ռազմագերիներին, որոնք դեռ գտնվում են Ադրբեջանում գերության մեջ։ Կարևորում է Ադրբեջանի իշխանությունների կողմից 2020 թվականի պատերազմից հետո հրադադարի համաձայնագրի կատարումը, և որ այդ գերիները միևնույն ժամանակ ստանան արդար վերաբերմունք՝ միջազգային մարդասիրական իրավունքին համապատասխան։

Սեփական թղթակից

orer.eu

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում