«Եթե անարդար է, բնականաբար, բոլոր միջոցները պիտի կիրառենք, որ արդարությունը հաղթող լինի։ Եթե չհաջողեցինք, ինչպես մեր մյուս հոգևորականների պարագայում է, մենք նույնպես պատրաստ ենք այդ հանձնառությամբ կրելու այդ անարդար պատիժն ու որոշումը։ Բայց հավատարիմ ենք մնալու մեր սրբազան ուխտին, մեր ծառայությանը, ազգին և հայրենիքին, հավատարիմ եկեղեցու ինքնավարության պաշտպանությանը»,–ասել Ամենայն Հայոց կաթողիկոս Գարեգին Բ-ն, հունիսի 2-ին Մայր Աթոռում խմբագիրների հետ հանդիպման ժամանակ։
Նա ընդգծել է ՝« այդքան դյուրին չէ Հայոց հայրապետին հրաժարական պարտադրել։ Եկեղեցին ունի իր կանոնական սկզբունքները, և Հայոց հայրապետի պաշտոնազրկումը ենթակա չէ որևէ իշխանության, որևէ անձի և կառույցի տնօրինման»։
Վեհափառ Հայրապետը պատասխանել է նաեւ իր անձին եւ եկեղեցու դեմ իշխանությունների ձեռնարկված արշավին առնչվող այլ հարցերի։
Իր հերթին, Պոլսոյ «Ժամանակ» օրաթերթը, անդրադառնալով մամուլի ներկայացուցիչների հետ հանդիպմանը, արձանագրել է.
«Այդքան դիւրին չէ Հայոց Հայրապետին հրաժարական պարտադրելը. պիտի չենթարկուինք ճնշումներուն», յայտարարեց Տ.Տ. Գարեգին Բ. Ամենայն Հայոց Կաթողիկոսը, որ երէկ Մայր Աթոռ Սուրբ Էջմիածնի մէջ սարքեց մամլոյ ասուլիս մը: Հայաստանի կարգ մը լրատուամիջոցներու գլխաւոր խմբագիրներուն հետ զրուցելու ժամանակ, Վեհափառ Հայրապետը անդրադարձաւ Հայաստանէ ներս իշխանութիւններու կողմէ ձեռնարկուած հակաեկեղեցական արշաւին: Ամենայն Հայոց Կաթողիկոսութեան դիմագրաւած դժուար իրավիճակին մէջ, Հայաստանի խորհրդարանական ընտրութեան ընդառաջ, Նորին Սրբութիւնը պատասխանեց բազմաթիւ հարցումներու, որոնք կը վերաբերին իշխանութիւն-եկեղեցի առճակատման օրակարգին:
«Եկեղեցւոյ դէմ, անշուշտ, յարուցուած են մէկ տասնեակէ աւելի քրէական վարոյթներ: Ամէն ջանք կը գործադրուի, որպէսզի իրենց կամքին ենթարկեցնեն Եկեղեցին եւ որպէսզի հասնին իրենց առաջադրած նպատակին՝ Հայոց Հայրապետը հեռացնել իր պաշտօնէն: Եթէ այս նպատակի իրագործման համար նման գործողութեան մը երթան՝ ձերբակալեն Հայոց Հայրապետը, անշուշտ, մենք պէտք է ենթարկուինք գործող օրէնքին: Եթէ անարդար է, բնականաբար, բոլոր միջոցները պէտք է կիրարկենք, որպէսզի արդարութիւնը յաղթէ: Եթէ չյաջողինք, ինչպէս մեր միւս հոգեւորականներու պարագային՝ մենք նոյնպէս պատրաստ ենք յանձնառութեամբ կրելու այդ անարդար պատիժը եւ որոշումը: Որեւէ կերպով մեր դիրքորոշումը պիտի չփոխուի, պիտի շարունակենք հաւատարիմ մնալ մեր ծառայութեան, ազգին եւ հայրենիքին: Դիւրին չէ Հայոց Հայրապետին հրաժարական պարտադրելը, Եկեղեցին ունի իր կանոնական սկզբունքները, պաշտօնազրկումը ենթակայ չէ որեւէ իշխանութեան տնօրինման», ըսաւ Վեհափառ Հայրապետը մամլոյ ասուլիսի ընթացքին:
Նորին Սրբութեան խօսքով՝ եթէ հարցեր կան Հայոց Հայրապետին կամ որեւէ եկեղեցականի դէմ, ապա զանոնք կը քննարկուին համապատասխան ատեաններուն կողմէ եւ կ՚առնուին համապատասխան որոշումներ: «Պիտի չենթարկուինք ճնշումներու, որեւէ բռնութեան», ըսաւ Վեհափառ Հայրապետը:
Լրագրողներու հետ զրուցելու ընթացքին Վեհափառ Հայրապետը շեշտեց, որ եկեղեցւոյ կեցուածքը, բնականաբար, ի սէր մեր հայրենիքին ու ժողովուրդին է: Եկեղեցին ունի կարեւոր առաքելութիւն մը, որ դարերով իրականացուցած է մեր ժողովուրդի կեանքէն ներս, մեր մշակոյթի կերտման, հոգեւոր, ազգային արժէքներու ձեւաւորման, ինքնութեան պահպանութեան եւ մեր ժողովուրդի կեանքի յարատեւութեան երաշխիքները ապահովելու առումով:
Լրագրողներու հարցումներուն պատասխանելու ժամանակ Վեհափառ Հայրապետը անդրադարձաւ նաեւ իշխանութիւն-եկեղեցի տագնապի պայմաններուն ներքեւ յառաջ քշուած շարք մը պնդումներուն, որոնք հերքեց համոզիչ ոճով եւ անոնցմէ ոմանք որակեց յերիւրանք:
Նորին Սրբութեան եւ լրագրողներու զրոյցին ներկայ էր նաեւ Ամենայն Հայոց Կաթողիկոսութեան Տեղեկատուական համակարգի տնօրէն Տ. Եսայի քահանայ Արթենեան»։(«ԱՅԴՔԱՆ ԴԻՒՐԻՆ ՉԷ…» | Ժամանակ)։
