Ինչպես հայտնում է #EduNews-ը, ՀՀ Ազգային ժողովը երկրորդ ընթերցմամբ ընդունել է օրենքի նախագիծը, ըստ որի՝ աշխարհի լավագույն բուհերն ավարտած երիտասարդները կարող են ազատվել պարտադիր զինծառայությունից։
Օրենքի համաձայն՝ այն ուսանողները, ովքեր սովորելու նպատակով տարկետում են ստացել Շանհայի վարկանիշավորման ցանկի առաջին 50 համալսարաններում, ուսումն ավարտելուց հետո, եթե վերադառնան Հայաստան և առնվազն 3 տարի աշխատեն ՀՀ կառավարության սահմանած ոլորտներում, կարող են ազատվել պարտադիր զինծառայությունից։
Այս փոփոխությունը նպատակ ունի խրախուսել աշխարհի առաջատար համալսարաններում կրթություն ստանալը և հետագայում այդ գիտելիքը կիրառել Հայաստանում։
orer.eu
