Նոր հրատարակություն ՕՐԵՐ-ի գրադարանին
Շնորհակալությամբ ստացանք «ԱՆԻՎ» հիմնադրամի Սփյուռք մատենաշարի հերթական կոթողային հրատարակությունը ռուսերենով՝ Քշիշտոֆ Ստոպկյաի եւ Անջեյ Զեմբայի «Հայերը Լեհաստանում» ծավալուն աշխատությունը։ Պատմագիտական ծանրակշիռ ուսումնասիրությունը ուղեկցվում է պատմական եւ արխիվային բազմաթիվ լուսանկարներով, որոնք հարստացնում են պատկերագիրքը։
410 էջանոց գրքին կից տպագրվել է նաեւ քարտեզ, որտեղ մատնանշված են Լեհական թագավորությունում եւ 14-18-րդ դարերի Լիտվայի մեծ իշխանության տարածքի այն բնակավայրերը, որտեղ բնակվել են հայերը։ Հանրագիտարանային նշանակության այս ծանրադիր հատորը նախատեսված է ինչպես սփյուռքի հարցերով զբաղվող հետազոտողների, այնպես էլ ընթերցող լայն շրջանակների համար։
Շնորհակալություն մեր գործընկեր Foundation for Development and Support of Armenological Studies “Aniv”ին եւ Արմեն Խեչոյանին։
orer.eu
