2022 թվականին Երեւանում բացվել է Իսպանիայի Թագավորության Մոսկվայի դեսպանության Հայաստանի դիվանագիտական գրասենյակը։ Մեր ընթերցողների ուշադրությանն ենք ներկայացնում Armeniahoy.com իսպանալեզու կայքի գլխավոր խմբագիր Սարգիս Հակոբյանի հարցազրույցը Հայաստանում Իսպանիայի թագավորության դիվանագիտական առաքելության ներկայացուցիչ եւ տնտեսական կապերի պատասխանատու Քրիստինա Կոնեսա Սանչոյի հետ։
-Ինչպե՞ս կբնութագրեք ձեր աշխատանքային փորձառությունը Հայաստանում:
-Հայաստանում բնակվող բիզնես մենեջերի աշխատանքն իսկապես խրախուսելի է։ Բոլոր այն արդյունքներին, որոնց մենք աստիճանաբար հասնում ենք մեր համատեղ աշխատանքի արդյունքում՝ հնարավոր են դառնում շնորհիվ այն ահռելի հետաքրքրության, որ հայերը Իսպանիայում զգում են սեփական մշակույթի նկատմամբ։ Նմանապես առկա է Հայաստանի Հանրապետության հետ համատեղ համագործակցություն բոլոր մակարդակներում՝ թե՛ կրթական, թե՛ մշակութային և թե՛ սոցիալական բնագավառներում՝ այդ կենտրոնների հետ աշխատանքի բոլոր անհրաժեշտ միջոցներով համագործակցելու կամքի շնորհիվ։
Ուստի մենք չենք կարող անչափ երախտապարտ չլինել Հայաստանի քաղհասարակությանը և համապատասխան պետական կառույցներին մեր երկու հասարակությունների առավել սերտ կապերի հնարավորությունների ստեղծման հարցում, նրանց շարունակական աջակցության համար, ինչը մեծապես նպաստում է մեր աշխատանքին։
-Իսպանիայի դիվանագիտական առաքելության բացումը Հայաստանում կարևո՞ր գործոն է Իսպանիայի և Հայաստանի միջև երկկողմ հարաբերությունների զարգացման գործում:
-Անշուշտ, Դժվար է նույնիսկ ընտրել ամենակարևոր իրադարձությունները, քանի որ անկասկած այն, ինչ արվել է, իր ազդեցությունն է ունեցել՝ ինչպես նշեցի, մեր հասարակությունների մերձեցման վրա։ Մշակութային ոլորտում Իսպանիան երբեք այսքան ներկա չի եղել Հայաստանում, ինչպես մի շարք ոլորտներում՝ արվեստ, երաժշտություն, պար, գրականություն, կինո կամ գաստրոնոմիա։ Ինչ վերաբերում է նաև իսպաներենի ուսուցմանը և տարածմանը, մեր համագործակցությունը Հայաստանի հիմնական համալսարանների և իսպանական ակադեմիաների տարբեր բաժինների հետ շարունակել է զարգանալ, և այս տարի մենք կհամագործակցենք AEPE-ի, Իսպանացի ուսուցիչների եվրոպական ասոցիացիայի XXVIII միջազգային կոլոկվիումի հետ, որը կանցկացվի Երևանի պետական համալսարանում 2025 թվականի ապրիլին։
Սոցիալական ոլորտում մենք ձգտել ենք ակտիվորեն աջակցել բնակչության շրջանում իրազեկության բարձրացմանը ՝ Իսպանիայի արտաքին քաղաքականության երկու հիմնական առաջնահերթությունների՝ հաշմանդամության և կանանց նկատմամբ բռնության դեմ պայքարի վերաբերյալ, այս կերպ աջակցելով տեղական կազմակերպությունների աշխատանքին։ Այս ոլորտում արժե առանձնացնել հաշմանդամության մասին իրազեկման օրերը, որոնք կազմակերպել ենք Դեղձուտի միջնակարգ դպրոցում (Արարատի մարզ)՝ Հայաստանի սայլակով բասկետբոլի ֆեդերացիայի և Հայաստանի ազգային Boccia ասոցիացիայի համագործակցությամբ, We Can ՀԿ-ի և Lousé Rehabilitation Center-ի հետ համատեղ:
Տնտեսական-գործարար դաշտում մեր ընկերությունները սկսում են ավելի մեծ ներկայություն ունենալ երկրում։ Վերականգնվող էներգիայի ոլորտում իսպանական Fotowatio Renewable Ventures (FRV) ընկերությունը անցյալ տարի ավարտեց Հայաստանում ամենամեծ արդյունաբերական մասշտաբի արևային կայանի կառուցումը, որն արտադրում է մաքուր էներգիա ավելի քան 20,000 տուն մատակարարելու համար՝ խուսափելով տարեկան մինչև 40,000 տոննա ածխածնի արտանետումներից։ Վերջապես, մենք չենք կարող մոռանալ մեր համագործակցության մարդասիրական բաղկացուցիչը, և 2020 թվականից ի վեր Իսպանիայի ցուցաբերած աջակցությունը սահմանամերձ հայկական ամենախոցելի համայնքներին, այդ թվում նաև Ղարաբաղից իրենց տներից տեղահանված ընտանիքներին, ինչը իրականացվել է Իսպանիայի Համագործակցության մարդասիրական օգնության միջոցով։
2023 թվականի հոկտեմբերին Իսպանիայի արտաքին գործերի, Եվրամիության և համագործակցության նախարար Խոսե Մանուել Ալբարեսը հայտարարեց Զարգացման համագործակցության իսպանական գործակալության՝ AECID-ի կողմից Միջազգային Կարմիր խաչի միջոցով կառավարվող մեկ միլիոն եվրոյի ներդրման մասին՝ նպատակ ունենալով մեղմել Ղարաբաղից տեղահանված հայ բնակչության վիճակը։
Այս աջակցությունը շարունակվել է այլ կազմակերպությունների միջոցով, ինչպիսին է ՄԱԿ ՓԳՀ հայաստանյան գրասենյակը, որն ուղղակիորեն իր երախտագիտությունն է հայտնել ինչպես Իսպանիայի կառավարությանը, այնպես էլ իսպանական հասարակությանը և մասնավոր հատվածին՝ կազմակերպության 2024 թվականի արտակարգ իրավիճակների արձագանքման ծրագրին մեր երկրի առատաձեռն ներդրման համար։
– Ի՞նչպես կարող է իսպանացի գործարարը նպաստել Հայաստանում բիզնես մշակույթին։ Ի՞նչ բիզնես ոլորտներ կարող է զարգացնել իսպանացի ձեռներեցը Հայաստանում։ _
-Փոխադարձ ցանկություն կա ընդլայնելու երկկողմ տնտեսական և առևտրային համագործակցությունը երկու երկրների համար հետաքրքրություն ներկայացնող ոլորտներում, ինչպիսիք են ենթակառուցվածքները, ագրոբիզնեսը, վերականգնվող էներգետիկան կամ զբոսաշրջությունը: Բոլոր դրանք այն ոլորտներն են, որտեղ Իսպանիան ունի միջազգային կարևորություն ունեցող ընկերություններ, որոնք իրականացնում են նախագծեր ամբողջ աշխարհում:
Հայաստանում Իսպանիայի համար հնարավորությունների ոլորտներ են նաև բնական քարի և լոգարանի սարքավորումների ոլորտները: Կարևորը այս պահին առաջարկվող հնարավորությունների պատուհանից օգտվելն է, որի ընթացքում Հայաստանի կառավարությունը ձգտում է դիվերսիֆիկացնել և ընդլայնել իր միջազգային գործընկերներին՝ երկրի համար ռազմավարական նախագծերով վերը նշված բոլոր ոլորտներում:
-Արդյո՞ք Իսպանիայի հայ համայնքը օժանդակում է Իսպանիայի և Հայաստանի միջև հարաբերությունների սերտացման գործում։
-Շատ։ Մոտ 40 հազարանոց հայ համայնքը, որ ապրում է Իսպանիայում, առանցքային է իսպանական հասարակության կողմից Հայաստանի ճանաչման գործընթացում, ինչպես նաև Իսպանիայում հայ իրականության փորձառությունների «դեսպանն» է: Ձեր աջակցությունն ու նախաձեռնությունները՝ ինչպես անհատական, այնպես էլ համաշխարհային հարթակների միջոցով, ինչպիսիք են ՀԲԸՄ-ն և այլ նմանատիպ կազմակերպություններ, կարևոր են մեր ժողովրդին համախմբելու համար:
Աղբյուրը՝ Armeniahoy.com
