Հունիսի 26-ին Ռումինիայի գրողների միությունում տեղի է ունեցել նոր նախագահի ընտրություն, որին մասնակցել է նաեւ միության փոխնախագահ, Ռումինահայոց միության երկարամյա նախագահ, հայտնի գրող Վարուժան Ոսկանյանը։ Նաեւ ակտիվ քաղաքական գործիչ էր, եղել է Ռումինիայի նախկին սենատոր, ֆինանսների եւ էկոնոմիկայի նախկին նախարար։
Ինչպես ՕՐԵՐ եվրոպական ամսագիրը տեղեկանում ենք միության պաշտոնական կայքէջից եւ Digi24.ro -ից, ընտրության մասնակիցների 740 քվեից, Վարժուան Ոսկանյանը ստացել է 660-ը եւ ձայների բացարձակ մեծամասնությամբ ընտրվել Ռումինիայի գրողների միության նախագահ՝ 4 տարի ժամկետով։
Այս տարվա ընտրություններում երեք թեկնածու էր ներկայացվել՝ Դորու Չիչեսկուն, Սիմոնա Վասիլաչեն և Վարուժան Ոսկանյանը։ Պարոն Դորու Չուչեսկուն ընտրական գործընթացի ժամանակ ինքնաբացարկ է հայտնել։ Գրողների միության խորհուրդն իր առաջին նիստում արձանագրել է նախօրեին տեղի ունեցած քվեարկության արդյունքը. Վարուժան Ոսկանյան՝ 89%, Սիմոնա Վասիլաչե՝ 7%։ Մնացած ձայները անվավեր են ճանաչվել։
Գրողների միության խորհրդի առաջին նիստում նախագահի առաջարկով Անջելո Միտչիևիչին ընտրվել է Միության փոխնախագահ։ Հիշեցնենք, որ միության նախագահի պաշտոնը թափուր էր մնացել նախկին նախագահ, գրականագետ Նիկոլա Մանոլեսկուն մահից հետո։
Ընտրությունից հետո իր ելույթում Վարուժան Ոսկանյանը մասնավորապես ասել է. «Կարծում եմ, որ ռումին գրողը պետք է վերադառնա քաղաք, հատկապես նման անհանգիստ ժամանակներում»։ Նա կոչ է արել միության անդամներին ավելի տեսանելի լինել եվրոպական մշակութային ցանցում:
«Այն մտքերը, որոնցով սկսում եմ իմ մանդատը, նախանշված էին իմ թեկնածության սկզբում ներկայացրած ծրագրում, որի կենտրոնական կետն էր ռումինական հասարակության մեջ գրողի դերի վերաբարձրացումը։ Գրողներն այն մարդկանցից են, ովքեր գործնականում կառուցեցին ժամանակակից Ռումինիան 19-րդ դարում, ովքեր միջպատերազմյան ժամանակաշրջանում ստեղծեցին ազգային դպրոցներ և դիմադրեցին համակենտրոնացման ճամբարին կոմունիստական ժամանակաշրջանում։ Իսկ 90-ականներին շատ գրողներ ներքաշվեցին քաղաքական ու քաղաքացիական տարածության մեջ՝ չհաջողելով անցումը վերածել էապես մշակութային գործընթացի։ Կարծում եմ, որ ռումինացի գրողը պետք է վերադառնա քաղաք, հատկապես նման անհանգիստ ժամանակներում»,- «Ագերպրես»ին ասել է Վարուժան Ոսկանյանը:
Նա ընդգծել է, որ անհրաժեշտ է ընդունել Ռումինիայի մշակութային ռազմավարությունը։ «Մենք ունենք էներգետիկ ռազմավարություն, ունենք պաշտպանական ռազմավարություն, ՏՏ ռազմավարություն, տրանսպորտային ռազմավարություն, բայց չունենք մշակութային ռազմավարություն, որն այսօր առաջնահերթություն եմ համարում Ռումինիայում, որտեղ հակասությունները կապված են ազգային ինքնության և մեր տեղի հետ. որը Եվրոպայում այնքան լուսավորված են»,- ասել է Ռումինիայի Գրողների միության նորընտիր նախագահը։
Գրողների միության նոր նախագահի ծրագրում մեկ այլ կետ վերաբերում է կազմակերպությունում երիտասարդների մուտք գործելու անհրաժեշտությանը։ «Ես առաջարկել եմ մի քանի ուղիներ, այդ թվում՝ ընթացակարգային, որպեսզի ընդլայնվի երիտասարդների մուտքը, որոնք պետք է հասկանան, որ Գրողների միությունը ստալինյան կազմակերպություն չէ։ Այն ստեղծվել է 1908թ.-ին, իսկ 1912թ.-ին հասցվել է հանրային նշանակության աստիճանի: Եվ մեծ գրողներից շատերը դրա մաս են կազմել, իսկ ամենահայտնին, հավանաբար, միջպատերազմյան շրջանում Լիվիու Ռեբրենուն էր»,- ընդգծեց Ոսկանյանը:
Գրողների միության տեսանելիության բարձրացումն ու արտաքին կապերի զարգացումը Ոսկանյանի հաջորդ մտահոգությունն է։
«Գրողների միությունը եվրոպական մայրցամաքի ամենաբազմաթիվ և ավանդական պրոֆիլային կազմակերպություններից մեկն է, և այն պետք է կարևոր դեր խաղա մշակութային ցանցում և շատ կարևոր՝ եվրոպական գրականության եւ Եվրամիության հետ փոխգործակցության մեջ՝ օրենսդրության մշակման իմաստով, պաշտպանելով նաեւ մտավոր սեփականության իրավունքները»։
Վարուժան Ոսկանյանը հայտարարեց նաև, որ Միությունը ստեղծել է Գրողների միության պատվավոր անդամների մասնաճյուղ, որտեղ կընդգրկվեն «այլ լեզուներից թարգմանիչներ, խմբագիրներ կամ ռումինական գրականության մասին գրողներ, ռումինական գրականության քարոզիչներ արտասահմանում»: նրանց մոտ պահել և հարգել նրանց այն ամենի համար, ինչ նրանք անում են ռումինական մշակույթի համար»:
Նա նաեւ նշել է, որ Ռումինիայում ներմուծվող գրքերի շուկան զբաղեցնում է գրքերի ընդհանուր թվի ավելի քան 90%-ը։ Իսկ գրականության ներմուծման և արտահանման հարաբերությունները բացահայտորեն ի վնաս ռումինական գրականության են։
ՕՐԵՐ-ը շնորհավորում է հարգարժան պարոն Ոսկանյանին եւ մաղթում արգասաբեր գործունեություն։
orer.eu
