Այսօր անհայտ անձի կողմից մահափորձի է ենթարկվել Սլովակիայի վարչապետ Ռոբերտ Ֆիցը Հանդլով քաղաքում, ուր մշակույթի տանը մասնակցել է կառավարության արտագնա նիստին։ Նա անմիջապես ուղղաթիռով տեղափոխվել է Բանսկա Բիստրիցա՝ շտապ վիրահատության համար։ Նրա վիճակը գնահատվում է ծանր։ Նա վիրավորվել է կրծքավանդակի, որովայնի եւ ոտքերի շրջանում։
Սլովակիայի քաղաքական գործիչները դատապարտում են մահափորձը եւ համարում են հարձակում սլովակյան ժողովրդավարության վրա։
Ըստ նախնական տվյալների, վարչապետը մոտեցել է տեղացիներին, որպեսզի շնորհակալություն հայտնի իրենց աջակցության համար եւ ինչ որ մեկը կրակել է։ Չեխիայի եւ Սլովակիայի քաղաքական դեմքերը նույնպես դատապարտել են մահափորձը։ Դադարեցվել է նաեւ նախագահական ընտրությունների ընրապայքարը։ Քաղաքական գործիչները մամուլին կոչ են արել ատելություն չքարոզեն։
Կրակ բացած մարդասպանին կարողացել են տեղում ձերբակալել։ 1953 թվականին ծնված Յուրայ Ցինտուլան 2005 թվականին հիմնել է գրական ակումբ, բանաստեղծական երեք ժողովածուի հեղինակ է։ Ըստ նախնական տեղեկությունների, նշել է, որ դժգոհել է կառավարության գործունեությունից։
Նշենք, որ Սլովակիայում լարված նախագահական ընտրությունների նախընտրական լարված շրջան էր։
Ավելի ուշ հայտնի դարձավ, որ վիրահատությունից հետո Ռոբերտ Ֆիցոյին մտցրել են արհեստական կոմայի մեջ։
orer.eu
.
