Խորը կսկիծով և մեծ ափսոսանքով տեղեկացնում ենք, որ այսօր՝ 2024 թ. հունվարի 9-ին, առավոտյան ժամը 8:00-ին, Խժանովի հիվանդանոցում, ծանր հիվանդությունից և քաղցկեղի դեմ պայքարից հետո մահացել է մեր սիրելի քահանա վարդապետ Թադևոս Իսակովիչ-Զալեսկին (7 սեպտեմբերի 1956 թ. – 9 հունվարի 2024 թ.):
Հայր Թադևոսը ոչ միայն քահանա էր և Եղբայր Ալբերտի հիմնադրամի նախագահը, նա անգնահատելի հասարակական գործիչ էր, լեհահայոց հոգևոր հովիվը, Լեհաստանի Ժողովրդական Հանրապետության ժամանակներում հակակոմունիստական ընդդիմության քաջարի մասնակից, ինչպես նաև գնահատված գրող, բանաստեղծ և հրապարակախոս։ Նրա կյանքը լի էր ուրիշների համար զոհողություններով, խորը հավատքով և անսասան քաջությամբ:
Նրա համեստությունը, կարեկցանքը, ուշադրությունը այլ մարդկանց նկատմամբ, ինչպես նաև հումորի արտասովոր զգացումը նրան դարձրեցին ոչ միայն հարգված քահանա, այլև իսկական ընկեր մեզանից շատերի համար: Թեև նա խուսափում էր ծափահարություններից և գովասանքից, նրա կյանքն ու գործունեությունը նրա սրտի և ոգու իրական մեծության լուռ վկայությունն էին:
Հիշելով մեր մեծն հոգևորականին, խնդրում ենք աղոթեք նրա հոգու համար: Թող Տերը նրան հավիտենական հանգիստ պարգևի, և հավիտենական լույսը փայլի նրա վրա: Թող հանգչի խաղաղությամբ:
Լեհահայեր հասարակական կազմակերպություն
ՕՐԵՐ ամսագրի խմբագրակազմը ցավակցում է լեհահայությանը՝ արժանի հոգեւորականի կորստյան առիթով։
