Թողարկվել են նոր նամականիշներ՝ «Հայաստանի տեսարժան վայրեր» թեմայով

Դեկտեմբերի 27-ից շրջանառության մեջ են դրվել չորս նամականիշ՝ նվիրված «Հայաստանի տեսարժան վայրեր» թեմային: Այս մասին հայտնում են Հայփոստից։

320 ՀՀ դրամ անվանական արժեքով նամականիշի վրա պատկերված է Շիրակի մարզում գտնվող Հառիճավանքը (մ.թ. VII-XIII դդ.):

380 ՀՀ դրամ անվանական արժեքով նամականիշի վրա պատկերված է Լոռու մարզում գտնվող Դեբեդի կիրճը:

500 ՀՀ դրամ անվանական արժեքով նամականիշի վրա պատկերված է Արարատի մարզում գտնվող Խոսրովի արգելոցի Վահագնի ջրվեժը:

560 ՀՀ դրամ անվանական արժեքով նամականիշի վրա պատկերված է Տավուշի մարզում գտնվող Գոշի լիճը:

Թողարկման օրը` 27 դեկտեմբերի 2023թ.

Լուսանկարները՝ Էդգար Հարությունյանի (Վահագնի ջրվեժ, Գոշի լիճ), Դավիթ Հակոբյանի (Հառիճավանք)

Դիզայնը՝ Վահագն Մկրտչյանի

orer.eu