«Պրահայի գարուն» միջազգային 79-րդ ​​երաժշտական ​​փառատոնի ջութակահարների մրցույթի ժյուրին կնախագահի հանրահայտ Իդա Կավաֆյանը ​​

  • 31.10.2023
  • 0
  • 156 Views

«Պրահայի գարուն» միջազգային երաժշտական ​​փառատոնը հրապարակել է 79-րդ տարեշրջանի ծրագիրը, որը տեղի ​​կունենա 2024 թվականի մայիսի 12-ից հունիսի 3-ը՝ հինգ տասնյակից ավելի ​​ համերգներով։ Փառատոնը կդառնա Չեխական երաժշտության տարվա և Բեդրիխ Սմետանայի ծննդյան երկու հարյուրամյակին նվիրված տպավորիչ տոնակատարություն: Այս մասին հայտնեց ​​փառատոնի տնօրեն Պավել Տրոյանը։

«Պրահայի գարունը» կբացի Բեռլինի ֆիլհարմոնիկը, և փառատոնում ելույթներ կունենան իտալական լավագույն նվագախմբերից երկուսը` Orchestra dell’Accademia Nazionale di Santa Cecilia և Միլանի Լա Սկալա օպերայի ֆիլհարմոնիկ նվագախումբը:

Orchester Philharmonique de Radio France-ը կգա Փարիզից, Ամստերդամի բարոկկո նվագախումբը Նիդեռլանդներից և լեգենդար Collegium Vocale Gent-ը Բելգիայից: Այս տարվա փառատոնի համար նորություն է երիտասարդ հանդիսատեսի համար նախատեսված մեկօրյա ծրագիրը, որը կոչվում է SpringTEEN, իսկ Կարլինի ֆորումում տեղի կունենա 11հազար լարերի տպավորիչ համերգ՝ միաժամանակ նվագող հիսուն դաշնամուրներով:

Հայտնի դարձավ նաեւ,​​որ ​​փառատոնի ջութակահարների մրցույթի ժյուրին կնախագահի ամերիկահայ հանրահայտ ջութակահար Իդա Կավաֆյանը, ​​իսկ «Պրահայի գարուն»​​ փառատոնի ծրագրում Z.E.N. եռյակի կազմում հանդես կգա աշխարհահռչակ թավջութակահար Նարեկ Հախնազարյանը։

Տոմսերի վաճառքը կսկսվի 2023 թվականի նոյեմբերի 1-ին, ժամը 11:00-ին, festival.cz-ում:

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում