Չեխական «Seznam Zprávy» ինֆորմացիոն կայքէջն իր այսօրվա «Եվրատեսիլ երգի մրցույթում հաղթել է շվեդ Լորենը։ Նա հաղթեց երկրորդ անգամ» հոդվածում, ամփոփելով Լիվերպուլում անցկացված «Եվրատեսիլ-2023» մրցույթի բոլոր մասնակից երկրների ներկայացուցիչների ելույթները, գրում է.
«Չեխիան ներկայացնող «Վեսնա» աղջիկների խումբը, “My Sister’s Crown”(«Քրոջս Թագը») երգով, զբաղեցրեց 10-րդ հորիզոնականը, որը պատմականորեն չեխերի շահած երկրորդ լավագույն տեղն է երբևէ։
Շվեդուհի Լորինը առաջին կինն է, ով երկրորդ անգամ դարձավ «Եվրատեսիլ» մրցույթի հաղթող»։ Հիշեցնենք, որ երգչուհին հանդես եկավ «Tattoo» երգով:
Մյուս ազգերի շարքում անդրադառնալով Հայաստանի ներկայացուցիչ Էլեն Երեմյանին, կայքէջը երգչուհու ստեղծագործությունը նրբանկատորեն մեկնաբանում է հետևյալ կերպ. «Արվեստի սիրահար հայուհի Բրյունետը մրցույթին հանդես եկավ իր հեղինակած Future Lover («Ապագա սիրեցյալը») երգով, որում մարմնավորեց իր երազանքների տղամարդուն, ում կցանկանար տեսնել արվեստով հետաքրքրված, գրքեր գնելիս և իր համար սմուզիներ պատրաստելիս»։
Մրցույթում Բրյունետը զբաղեցրեց 14-րդ հորիզոնականը:
Արսեն Քոչարյան
Հատուկ ՕՐԵՐ-ի համար
Պրահա
