Լիվերպուլում մայիսի 13-ին կկայանա «Եվրատեսիլ 2023» երգի մրցույթի եզրափակիչ փուլը։ 26 երկրներ պայքարելու են երկար սպասված հաղթանակի համար։ Հայաստանը՝ երգչուհի Բրյունետի գլխավորությամբ, եւս եզրափակչում է ու պայքարի մեջ։ Բրյունետը կներկայանա 17-րդ համարի ներքո։ Կենտրոնական Եվրոպայի, այդ թվում՝ Չեխիայի ժամանակով մրցույթը կհեռարձակվի երեկոյան ժամը 21:00-ին՝ Չեխական Երկրորդ ալիքի ուղիղ եթերով։
Հայաստանից Բրյունետի օգտին քվեարկել չեք կարող։ Եվրոպայից քվեարկելու համար հարկավոր է 17 թիվն ուղարկել տվյալ երկրում առանձնացված համարին։ Չեխիայի պարագայում 906 11 13.
Մնացյալ երկրների համարները գրված են ներկայացված պատկերներում։
«Եվրատեսիլում» Հայաստանի ներկայացուցիչ Բրյունետի օգտին հնարավոր է քվեարկել նաև մրցույթին չմասնակցող երկրներից: Հարկավոր է մուտք գործել www.esc.vote կայք և համոզվել, որ ձեր բանկային ու հեռախոսային քարտերը միջազգայնորեն ճանաչված են: Օրինակ՝ եթե ցանկանում եք քվեարկել ԱՄՆ-ից, ապա ձեր բանկային և հեռախոսային քարտերը պետք լինեն ամերիկյան:
Մեկ բանկային քարտից կարող եք քվեարկել միանգամից 20 անգամ: Սա նշանակում է, որ եթե ցանկանում եք 20 ձայն տալ Հայաստանի օգտին, ապա դա պետք է միանգամից անել, քանի որ մեկ քարտով հնարավոր չէ երկրորդ անգամ քվեարկել: Այս ձևով արված քվեարկությունը դիտարկվելու է որպես մեկ երկրից ստացված ձայն:
Բրյունետի երգը Եվրատեսիլի YouTube-յան պաշտոնական ալիքում այս տարվա ամենադիտված տեսահոլովակն է` https://youtu.be/Co8ZJIejXBA:
orer.eu
