Ինչպես արդեն տեղեկացրել էինք, «Concentus Moraviae» 27-րդ ամենամյա երաժշտական փառատոնն այս տարի այքի ընկավ աշխարհահռչակ հայ ջութակահար Սերգեյ Խաչատրյանի ու տաղանդաշատ դաշնակահար Լուսինե Խաչատրյանի մասնակցությամբ և փայլուն ելույթներով։
Հունիսի 23-ին հայ տաղանդավոր երաժիշտները ելույթ ունեցան Վալտիցե դղյակում, ուր արժանացան հիանալի ընդունելության։
Իսկ հունիսի 25-ին նրանք ելույթ ունեցան Իվանչիցե քաղաքում։ Համերգին ներկա էին նաեւ Չեխիայում ՀՀ դեսպան Աշոտ Հովակիմյանն ու դեսպանության դիվանագիտական անձնակազմը։
Փառատոնային ելույթների ժամանակ Խաչատրյանները կատարեցին Կոմիտասի, Արամ Խաչատրյանի, Առնո Բաբաջանյանի, Էդուարդ Միրզոյանի և Էդուարդ Բաղդասարյանի գործերը, արժանանալով ներկա հանդիսատեսի բարձր գնահատանքին։
Հիշեցնենք, որ Սերգեյ Խաչատրյանն անցյալ տարի հոկտեբերին ելույթ էր ունեցել Պրահայի Ռուդոլֆինումի Դվորժակի դահլիճում։
Լուսանկարները՝ Հայաստանի դեսպանության եւ երաժիշտների ֆեյսբուքյան էջերից։
orer.eu
