Wizz Air-ը հայտարարել է Հայաստանից դեպի եվրոպական 8 նոր քաղաքներ չվերթեր մեկնարկելու մասին։
Wizz Air ավիաընկերությունը Հայաստանից նոր ուղղություններով թռիչքները կմեկնարկի 2025 թվականի հոկտեմբերի 1-ից: Առաջին թռիչքը կիրականացվի դեպի Պրահա:
«Արմենպրես»-ի փոխանցմամբ՝ այս մասին մամուլի ասուլիսի ժամանակ հայտնեց «Wizz Air Hungary»-ի գործադիր տնօրեն Ռոլանդ Տիշները՝ ընդգծելով, որ բոլոր նոր ուղղություններով թռիչքները կմեկնարկեն հոկտեմբերի 1-28-ի ընթացքում:
Ավիաընկերությունը Երևանից չվերթեր կիրականացնի հետևյալ ուղղություններով՝
Համբուրգ, Մեմինգեն (Գերմանիա),
Նեապոլ, Բարի (Իտալիա),
Բուխարեստ (Ռումինիա),
Պաֆոս (Կիպրոս),
Նիս (Ֆրանսիա),
Պրահա (Չեխիա)։
«Գները սկսվում են 29.99 եվրոյից։ Սա ևս մեկ մեծ քայլ է ճամփորդությունները բոլորի համար ավելի հասանելի դարձնելու ճանապարհին»,- հայտարարել է ավիաընկերությունը։
Տնօրենը նշել է՝ թռիչքները մի շարք ուղղություններով կլինեն շաբաթական երեք անգամ, որոշ ուղղություններով՝ երկու անգամ: Ավիաընկերությունը նաև մեծացնում է դեպի Դորտմունդի չվերթների հաճախականությունը՝ հասցնելով այն շաբաթական 4 չվերթի։ Մեջբերում է Արմենպրեսը։
Միակողմանի տոմսի գինը ներառում է վարչական վճար և ձեռքի փոքր ուղեբեռ (առավելագույն չափսեր՝ 40x30x20 սմ): Անիվավոր ճամպրուկների և գրանցված ուղեբեռի այլ տեսակների համար գանձվում է լրացուցիչ վճար։ Գինը գործում է միայն wizzair.com կայքում և WIZZ բջջային հավելվածի միջոցով ամրագրման դեպքում։ Նշված գներով տեղերի քանակը սահմանափակ է։
orer.eu
