ՀԲԸՄ Սոֆիայի կամերային նվագախմբի գարնանային համերգային շրջափուլը հունիսի 18-ին ավարտվեց հատկապես հաճելի՝ անձնական տոների և երաժշտական հուզիչ երեկոյի համադրությամբ։ Ինչպես պարզ է դառնում համերգի կարգախոսից՝ «Եկեք նշենք ծննդյան տարեդարձ», առիթը ծննդյան օրերն էին, ընդ որում՝ երկու։
Համերգի մենակատարուհի, հիասքանչ հայ երգչուհի Հասմիկ Հարությունյանը, ով հաճախակի հյուր գնալով դարձել է բուլղար հանդիսատեսի սիրելին ու նվագախմբի ընկերը, նախընտրեց ծննդյան տարեդարձը նշել հենց այս համերգով։ Մի օր անց նաեւ նվագախմբի գեղարվեստական ղեկավար եւ գլխավոր դիրիժոր մաեստրո Լեւոն Մանուկյանի ծննդյան օրն էր։ Երկու արտիստների համար հատկապես հուզիչ էր ծննդյան օրվա նշումը ընկերների եւ երկրպագուների շրջապատում՝ այն էլ հիասքանչ երաժշտության ուղեկցությամբ:
Դիրիժոր Մանուկյանը ընտրել էր չափազանց սիրված ստեղծագործություններ, որոնք միշտ ուղիղ ճանապարհ են գտնում դեպի ունկնդիրների սրտերն ու հույզերը։ Հասմիկ Հարությունյանը հանդիսատեսին հմայեց ռոմանտիկ սիրային երգերի շարքով, որոնցում ևս մեկ անգամ եւս ցուցադրեց իր հիանալի վոկալային որակները, ինչպես նաև խորը զգայունությունն ու վարպետ մեկնաբանությունը։ Հատկապես հուզիչ էին Oblache le bialo-ի կատարումները, իհարկե, բուլղարերեն, և հայկական խորհրդանշական «Ով Սիրուն» երգը, որում Հասմիկը արտասովոր հույզեր էր դրել։ Զգացմունքային մթնոլորտը մի փոքր թեթևացնելու համար մաեստրո Մանուկյանն օգտագործեց ելույթների միջև ընկած կարճ ընդմիջումները՝ հանդիսատեսին իր երաժշտական կենսագրությունից մի քանի զվարճալի պատմություններ պատմելով՝ կապված հիմնականում Իտալիա կատարած ճանապարհորդությունների հետ։
Ծրագրում հնչեցին նաեւ նվագախմբային ստեղծագործություններ, այդ թվում՝ Բաբաջանյանի երկու ուշագրավ ստեղծագործությունները` Սերենադը և Նոկտյուրնը, որոնցում ՀԲԸՄ Սոֆիայի կամերային նվագախումբը հերթական անգամ ցույց տվեց իր բարձր մակարդակը: Վերջնակետը դրվեց O sole mio-ի հետ, որով մենակատարը, նվագախումբն ու դիրիժորը ոգեշնչեցին բոլորին: Համերգի ավարտից հետո էլ տոնական տրամադրությունը շարունակվեց ծաղիկներով, ընկերական հանդիպումներով և լուսանկարներով:
Համերգից հետո մենք պատրաստել էինք համեղ հյուրասիրություն նվագախմբի և ՀԲԸՄ անդամների հարազատների համար, ինչի համար ուզում ենք առանձնահատուկ շնորհակալություն հայտնել Eddy’s Bakery-ի կողմից տրամադրված հրաշալի ծառայությանը։
Այնուհետև հաճելի մթնոլորտում երեկոն շարունակվեց մեր մենակատարների ծննդյան օրվա առթիվ ընթրիքով։ Ուզում ենք առանձնահատուկ շնորհակալություն հայտնել հրաշալի ծննդյան տորթի համար, որը նվեր էր Սոնյա և Թեդի Բեդրոսյաններից մենակատարներին և մեծ սիրով պատրաստել էր հիանալի Շազլին Բաբիկյանը։
Նվագախմբի հաջորդ ելույթը կլինի աշնանը։
Թղթակցությունը՝ ՀԲԸՄ Սոֆիայի
Համերգը դիտել այստեղ՝
