Այսօր , դեկտեմբերի 1- ին, Նիդեռլանդներն ու Ուկրաինան համատեղ զենքի արտադրության մասին համաձայնագիր են ստորագրել Բրյուսելում կայացած Արտաքին գործերի եւ պաշտպանության խորհրդի նիստի շրջանակներում: Ստորագրողներն են Ուկրաինայի պաշտպանության նախարար Դենիս Շմիհալը և Նիդեռլանդների պաշտպանության նախարար Ռուբեն Բրեկելմանսը:
Վաղը , դեկտեմբերի 2-ին, Եվրոպական Միության և Հայաստանի Հանրապետության միջև կկայանա գործընկերության խորհուրդի 6-րդ հանդիպումը : ՀՀ արտաքին գործերի նախարար Արարատ Միրզոյանը և ԵՄ արտաքին գործերի և անվտանգության քաղաքականության բարձր ներկայացուցիչ Կայա Կալլասը, նաև ԵՄ ընդլայնման հարցերով հանձնակատար Մարտա Կոսը քննարկելու են ԵՄ-ՀՀ հարաբերությունների հիմնական ասպեկտները՝ կենտրոնանալով ԵՄ-ՀՀ համապարփակ և ընդլայնված գործընկերության համաձայնագրի (CEPA) և վերանայված «Ճանապարհային քարտեզի» իրականացման վրա:
Օրակարգում նախատեսվում է ՝ բարեփոխումների, ժողովրդավարության, օրենքի գերակայության և մարդու իրավունքների վերաբերյալ երկկողմ քաղաքական երկխոսության հարցերի քննարկում, ինչպես նաև միգրացիայի, և վիզաների ազատականացման վերաբերյալ կարծիքների փոխանակում:
ԵՄ օրակարգում նախատեսվում են քննարկումներ տնտեսական, առևտրային և ոլորտային համագործակցության, ներառյալ Հայաստանի էներգետիկ ոլորտի բարեփոխումների, վերականգնվող էներգիայի, տնտեսական զարգացման և ներառական կապի ներդրումներին առնչվող հարցեր:
Կքննարկվեն նաեւ տարածաշրջանային և միջազգային զարգացման, հատկապես Հայաստան-Ադրբեջան խաղաղության գործընթացի, անվտանգության և պաշտպանության ոլորտում համագործակցությանն առնչվող խնդիրներ:
Արաքս Սաֆարյան
Բրյուսել
Հատուկ ՕՐԵՐ-ի համար
