Ինչպես «ՕՐԵՐ»-ը տեղեկացավ «Արարատ- Նոր կյանք» պարբերականից, Բուխարեստում կյանքից հեռացել է հայտնի ռումինահայ ջութակահար Վարուժան Կոզիկյանը։
Վարուժան Կոզիկյանը ծնվել է 1936 թվականին ռումինական Կոնստանցայում։ 1957 թվականին ավարտել է Բուխարեստի կոնսերվատորիան (դասատու՝ Կ. Ավագյան)։ Առաջին անգամ հանդես է եկել 1954 թվականին Բուխարետում։ 1958 թվականից ելույթներ է ունեցել բազմաթիվ երկրներում (նաև ԽՍՀՄ-ում)։ 1959 թվականին՝ Բուխարեստի ֆիլհարմոնիայի ջութակահար էր, 1960 թվականից՝ կոնցերտմայստեր։ Դասավանդում էր Բուխարեստի կոնսերվատորիայում։ Ազգային և միջազգային մրցույթների, փառատոնների դափնեկիր է, մրցանակակիր։ Համերգացանկն ընդգրկում էր Վիվալդիի, Բեթհովենի, Բախի, Մոցարտի, Շումանի, Չայկովսկու, Ստրավինսկու, Ռավելի, Խաչատրյանի, Կոմիտասի և ուրիշների երկեր։ 1968 թվականին մենահամերգով հանդես է եկել Երևանում։
2023 թվականին նա արժանացել էր Ռումինահայոց միության մրցանակին։ Հրապարկում ենք պարգեւատրման ձեռնարկից լուսանկարներ։
Ցավակցում ենք հանգուցյալի հարազատներին ու բարեկամներին։ Աստված հոգին լուսավորի։
orer.eu
