Վարչապետ Նիկոլ Փաշինյանը ԱՄՆ նախագահ Դոնալդ Թրամփի և Եգիպտոսի նախագահ Աբդել Ֆաթթահ աս-Սիսիի հրավերով Շարմ Էլ Շեյխում մասնակցել է Մերձավոր Արևելքի խաղաղության գագաթնաժողովին։
Գագաթնաժողովի մասնակիցներին դիմավորել է Եգիպտոսի նախագահ Աբդել Ֆաթթահ աս-Սիսին, այնուհետև երկրների ղեկավարներին ողջունել է ԱՄՆ նախագահ Դոնալդ Թրամփը։
Տեղի է ունեցել գագաթնաժողովի մասնակից պետությունների ղեկավարների համատեղ տեսալուսանկարահանման արարողություն։
Գագաթնաժողովի շրջանակում ստորագրվել է Գազայում պատերազմի ավարտի վերաբերյալ համաձայնագիր, որը ստորագրել են Եգիպտոսի նախագահ Աբդել Ֆաթթահ աս-Սիսին, ԱՄՆ նախագահ Դոնալդ Թրամփը, Թուրքիայի նախագահ Ռեջեփ Թայիփ Էրդողանը և Կատարի վարչապետ Մոհամմեդ բին Աբդուլռահման ալ-Թանին։
Ստորագրման արարողությունից հետո ԱՄՆ և Եգիպտոսի նախագահները հանդես են եկել հայտարարություններով։
Թրամփը Եգիպտոսում հայտարարել է, որ 1 ժամում լուծել է Հայաստանի և Ադրբեջանի միջև 32 տարի չլուծված հակամարտությունը
Այդ խոսքերն ասելիս նա թեքվել է Իլհամ Ալիևի կողմը և դժվարությամբ գտել Նիկոլ Փաշինյանին։
Հայաստանի և Ադրբեջանի միջև փոքր պատերազմը մենք ավարտեցինք
Այս մասին Եգիպտոսում հայտարարել է Դոնալդ Թրամփը։
«Նայեք նրանց, այստեղ նստած են, ընկերներ են»,- ասել է նա։
Վարչապետ Նիկոլ Փաշինյանը Շարմ Էլ Շեյխում մասնակցում է Մերձավոր Արևելքի Խաղաղության գագաթնաժողովին։
Միջոցառման շրջանակում վարչապետը կարճատև զրույցներ է ունեցել տարբեր երկրների առաջնորդների հետ:
