Այսօր Փարիզում վախճանվել է Մաեստրո Կարպիս Ափրիկյանը (Garbis Aprikian)՝ Փարիզի Սիփան-Կոմիտասի հայկական երգչախմբի խմբավարն ու տնօրենը։ Այս մասին հայտնել է ՀՅԴ Ֆրանսիայի մասնաճյուղը։ Նա Հայկական հարցին լծված զինվորական էր, Հայաստանի եւ Արցախի անկախության պաշտպան, Ֆրանսիայի ՀՅ Դաշնակցության անդամ էր։
«Այս առավոտ էր, որ իմացանք նրա մահվան սարսափելի լուրը, որը մեզ խորապես վշտացրեց»,- արձանագրում է հաղորդագրությունը:
98 ամյա Կարպիս Ափրիկյանը ֆրանսահայ կոմպոզիտոր եւ դիրիժոր էր, հայտնի էր ամբողջ աշխարհում հայ հոգեւոր եւ աշխարհիկ երաժշտությանը խթանելու իր աշխատանքով: Ծնվել է Ալեքսանդրիայում 1926 թվականին։ Նա սկսել է երաժշտություն սովորել 10 տարեկանում։ Ափրիկյանն իր կարիերայի մեծ մասը նվիրել է երաժշտության ուսուցմանը։ 57 տարի եղել է երգչախմբի տնօրեն:
1948-ին Կարպիս Ափրիկյանը Ալեքսանդրիայում հիմնում է Համազգայինի երգչախումբը, որի հետ հանդես է գալիս համերգաշարով: Այս հաջողությունը խրախուսում է Հուսաբեր ասոցիացիայի անդամներին, որպեսզի նրան կրթաթոշակ շնորհեն Եվրոպայում իր կրթությունը շարունակելու համար։: Կարպիս Ափրիկյանը1953 թվականին ժամանում է Փարիզ, որտեղ ուսանում է կոմպոզիցիայի եւ նվագախմբի դիրիժորության Normal de Musique դպրոցում եւ ազգային բարձրագույն երաժշտության կոնսերվատորիայում՝ Օլիվյե Մեսիաենի ղեկավարությամբ:
Նա նաեւ հայկական հարուստ մշակութային ժառանգությամբ ոգեշնչված բազմաթիվ աշխատանքների հեղինակ էր: Որպես դիրիժոր՝ Կարպիս Ափրիկյանի անունը անվերապահորեն կարված է Փարիզի Սիփան-Կոմիտասի հայկական երգչախմբի հետ, որին նա ուղղություն է տվել ավելի քան 57 տարի՝ 1953ից սկսյալ, կատարելով Բարսեղ Կանաչյանի եւ Կոմիտասի ստեղծագործությունները։
Ալեքսանդրիայում երիտասարդ տարիքից Կարպիս Ափրիկյանը կազմում եւ ներդաշնակում է հանրաճանաչ մեղեդիներ եւ հին հայրենասիրական երգեր։ «Հայկական էջեր» ալբոմը եւ հատկապես նրա «Կարահիսարը» Մկրտիչ Պողոսյանի մեկնաբանությամբ անխոս մեծ հուզմունք է առաջացնում։ Նրա գլխավոր ստեղծագործությունների շարքում պետք է նշել «La Naissance de David de Sassoun» /«Սասունցի Դավթի դյուցազներգությունը»/ օրատորիան երգչախմբի, նվագախմբի եւ մենակատարի համար, որ առաջին անգամ կատարվել է 1994 թվականին Փարիզում, Սորբոնի Մեծ Ամֆիթատրոնում։
2021 թվականին Կարպիս Ափրիկյանն արժանացել է «Արվեստի եւ գրականության կոմանդոր» (Commandeur dans l’ordre des Arts) պետական շքանշանի, իր աշխատանքի համար արժանացել նաեւ բազմաթիվ պարգեւների, այդ թվում՝ Հայաստանի Հանրապետութեան Մովսես Խորենացի մեդալին (2009): Մի քանի շաբաթ առաջ նա «Վեյմել» պատվավոր շքանշանի արժանացավ Փարիզի քաղաքապետարանի կողմից։
Կազմակերպության անունից ցավակցություններ են հայտնվել նրա երկու զավակներին՝ Արային եւ Կորյունին, ընտանիքին, Սիփան Կոմիտաս երգչախմբի ներկա եւ անցյալ բոլոր անդամներին։
ՕՐԵՐ-ը միանում է բոլոր ցավակցություններին։ Աստված հոգին լուսավորի։
Ցավակցում ենք լեգենդար խմբավարի հարազատներին եւ գործընկերներին։
orer.eu
