«Engage Armenia» 2024 Եվրոպական շրջագայությունը խթանում է Սփյուռքի ներգրավվածությունը դժվար ժամանակներում

  • 12.02.2024
  • 0
  • 59 Views

Երևան, Հայաստան – Հայաստանի համար մեծ մարտահրավերների և անորոշության ժամանակներում, ներգրավվելու կոչը հնչում է ամբողջ աշխարհում: «Engage Armenia» 2024 եվրոպական շրջագայությունը, որը նախատեսված է անցկացնել 2024 թվականի մարտի 6-13-ը, հրավիրում է աշխարհի բոլոր հայերին, անկախ նրանց տարիքից կամ փորձառությունից, համախմբվելու և առանցքային դեր խաղալու Հայաստանի ապագայի կերտման գործում: Այս շրջագայությունը կիրականացվի եվրոպական ութ քաղաքներում՝ Լոնդոն, Ամստերդամ, Բրյուսել, Փարիզ, Ալֆորվիլ, Ժնև, Լիոն և Մարսել:

Հայաստանը վերջին ժամանակներս բախվել է զգալի մարտահրավերների, և ներգրավվածության անհրաժեշտությունը երբեք այսքան հրատապ չի եղել։ «Engage Armenia» 2024 շրջագայությունը ստեղծվել է այս անհրաժեշտությունը լուծելու նպատակով՝ հարթակ առաջարկելով հայերին վերաիմաստավորելու, վերակենդանացնելու և գործնականում կիրառելու իրենց ներգրավվածությունը Հայաստանում՝ անկախ ներգրավվածության ներկա աստիճանից: Անհատների, կազմակերպությունների և ծրագրերի բազմազան ներկայացուցիչների հետ շրջագայությունը արժեքավոր պատկերացումներ է տալիս Հայաստանի զարգացմանն ակտիվ մասնակցության վերաբերյալ:

«Engage Armenia» 2024 շրջագայության նշանավոր խոսնակների թվում են.

  • Վարդան Մարաշլյան («Վերադարձ Հայաստան»/Repat Armenia )
  • Նելլի Պոլյակով (Հ. Հովնանյան ընտանեկան հիմնադրամ)
  • Սևան Կաբակյան («Դեպի Հայք»/ Birthright Armenia, «Հայ Կամավորների Միություն»/AVC)
  • Նազարեթ Սեֆերյան («Իմփաքթ Հաբ» /Impact Hub)
  • Սիսիան Պօղոսեան (ՀՀ Զբոսաշրջության կոմիտե)
  • Գևորգ Պողոսյան («ռեԱրմենիա» / ReArmenia)
  • Հրայր Բարսումյան (Optimize Consulting)
  • Լարիսա Հովհաննիսյան («Դասավանդի՛ր, Հայաստան»/ Teach for Armenia)
  • Գարիկ Գևորգյան («Մուվ 2 Արմենիա»/ Move2Armenia)
  • Շուշան Քեշիշյան («Հաբ Արցախ»/ Hub Artsakh)
  • Րաֆֆի Քասարջյան («Սենսյան»/ Sensyan)

Շրջայցի ձևաչափը բաղկացած է երկու հիմնական բաղադրիչներից՝ պանելային քննարկումներ և նոր կապերի հաստատում: Քննարկումների ընթացքում բանախոսները կկիսվեն իրենց անձնական փորձառությամբ և պատկերացումներով՝ անդրադառնալով այնպիսի թեմաների, ինչպիսիք են կամավորությունը, պրակտիկան, փորձի փոխանակումը, ծրագրերի աջակցությունը, բարձրագույն կրթության և կարիերայի հնարավորությունները, բիզնես ներդրումները, հայրենադարձությունը և ինտեգրումը Հայաստանում: Այս ինտերակտիվ ձևաչափը կխրախուսի ներկաներին հարցեր տալ և անմիջականորեն ներգրավվել պանելիստների հետ:

Մասնակցելով «Engage Armenia» 2024-ին` անհատները զգալի քայլ են կատարում Հայաստանի հետ իրենց կապը վերափոխելու և ազգի առաջընթացին նպաստելու ուղղությամբ:

«Engage Armenia» 2024-ի մասին լրացուցիչ մանրամասները կհրապարակվեն առաջիկա շաբաթների ընթացքում:

orer.eu

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում