Հայաստանի կինոգործիչների միության նախագահ, «Ոսկե ծիրան» միջազգային կինոփառատոնի հիմնադիրներից անվանի կինոռեժիսոր, վավերագրող Հարություն Խադատրյանի ծննդյան օրն է:
«Գուցե դա վատ է, բայց ես չեմ կարող մարդկանց շատ ուրախացնել, շոուներ սարքել: Ես միշտ անհանգստացնում եմ, զգուշացնում ու ստիպում մտածել: Իմ արվեստի առաքելությունն էլ գուցե դա է»,- ասել է մի առիթով վարպետը։
«Առողջ ու ստեղծագործ երկար տարիներ ենք մաղթում ՀԱՐՈՒԹՅՈՒՆ ԽԱՉԱՏՐՅԱՆԻՆ, որ արագ փոփոխվող այս աշխարհում իր արվեստի առաքելությունը շատ երկար ծառայեցնի համաշխարհային կինոհանրությանը, մեզ բոլորիս»։ Նման մաղթանքով է հանդես եկել Հայաստանի կինոգործիչների միությունն իր ֆեյսբուքյան էջում։
ՕՐԵՐ ԵՎՐՈՊԱԿԱՆ ԱՄՍԱԳԻՐԸ միանում է բոլոր շնորհավորանքներին եւ մեր սիրելի վարպետին մաղթում առողջություն եւ նոր ֆիլմեր։
Ստորեւ ներկայացնում ենք Հարություն Խաչատրյանի հետ ՕՐԵՐի հարցազրույցներից մեկը, որ տպագրվել է դեռեւս 2006 թվականին։ Բայց մեր ամսագրի եւ Վարպետի կապը սկսվել է դեռեւս 2003 թվականի հուլիսից, երբ Կարլովի Վարիի միջազգային կինոփառատոնում նրա «Վավերագրողը» ֆիլմն արժանացավ ժյուրիի հատուկ մրցանակին, իսկ հոկտեմբերին Յիհլավայի միջազգային կինոփառատոնում անցկացվեց նրա ֆիլմերի հետահայաց ցուցադրությունը։
