Միացեալ Նահանգները յայտարարեց, որ չի խրախուսեր Իսրայէլի կառավարութեան քայլերը, որոնք կրնան սրել լարուածութիւնը Երուսաղէմի հայկական թաղամասին մէջ:
Ըստ «Արմէնփրէս»ի՝ այս մասին յայտնեց Միացեալ Նահանգներու արտաքին գործոց նախարարութեան բանբեր Մեթիւ Միլըր` անդրադառնալով Երուսաղէմի հայկական թաղամասի ղեկավարներու մտահոգութիւններուն, որ Իսրայէլի կառավարութիւնը Կազայի հատուածին մէջ պատերազմը կ՛օգտագործէ, որպէսզի թաղամասէն դուրս մղէ քրիստոնեայ հայերը:
«Ինչպէս քանի մը առիթներով ըսինք, մենք չենք ուզեր տեսնել Իսրայէլի կառավարութեան կողմէ այնպիսի քայլեր, որոնք կը սրեն լարուածութիւնը», յայտնեց Միլըր:
Ասպարեզ
