Չեխիայի Ներքին գործերի նախարարության «Օգնություն տեղում» ծրագիրը կօգնի Հայաստանի կառավարությանը հոգալ Ղարաբաղից փախստականների կարիքները։ Ներքին գործերի նախարարությունը 12,5 միլիոն (544 000 դոլլար) կրոնի չափով դրամական նվիրատվություն կտրամադրի ՄԱԿ-ի Փախստականների հարցերով գերագույն հանձնակատարի գրասենյակին (UNHCR):
Ֆինանսական օգնությունը հաստատվել է Չեխիայի կառավարության կողմից՝ 2023 թվականի նոյեմբերի 1-ին, հավանություն է տրվել ՆԳՆ «Օգնություն տեղում» ծրագրի 12,5 միլիոն կրոնի դրամական նվիրատվության տրամադրմանը։ Միջոցները կնպաստեն Հայաստանում Ղարաբաղից փախստականների իրավիճակի կայունացմանը։ Դրանք կօգտագործվեն ՄԱԿ ՓԳՀ-ի կողմից փախստականներին գրանցելու և Հայաստանում կացարան տրամադրելիս: «Հայաստանում փախստականների նոր իրավիճակը պահանջում է հրատապ աջակցություն։ Եթե փախստականներն ապահովվեն տարրական կարիքներով և հարմարություններով, նրանք ստիպված չեն լինի մեկնել այլուր՝ իրենց հայրենիքից հեռու»,– ասել է ներքին գործերի նախարար Վիտ Ռակուշանը։
2023 թվականի սեպտեմբերին այս տարածքում իրականացված ռազմական գործողությունների արդյունքում ավելի քան հարյուր հազար բնակիչ արդեն փախել է Հայաստան։ Փախստականների այս բուռն ալիքը և այն, որ փախստականները Հայաստան են եկել միայն տարրական անձնական իրերով, մեծ բեռ է Հայաստանի իշխանությունների համար, ովքեր օգնություն են խնդրել միջազգային հանրությունից։
«Օգնություն տեղում» Ներքին գործերի նախարարության «Help on the Ground» օտարերկրյա ծրագիրը ուղղված է մեծ փախստականների բնակչություն ունեցող երկրներին և միգրացիոն մեծ ճնշումների բախվող երկրներին: Ծրագիրը ստեղծվել է 2015 թվականին՝ որպես պատասխան Սիրիայում պատերազմին և դրա հետևանքով առաջացած միգրացիոն ալիքին։ Ծրագրի մասին ավելին կարող եք գտնել այստեղ:
Այս մասին հայտնել է ՆԳՆ մամուլի ծառայության աշխատակից Կլարա Դլուբալովան։
orer.eu
