Չեխիայի Սենատը Լեռնային Ղարաբաղի ժողովրդի նկատմամբ բոլոր տեսակի բռնությունները դատապարտող բանաձև է ընդունել

  • 20.10.2023
  • 0
  • 259 Views

Չեխիայի Սենատը հոկտեմբերի 18-ին բանաձև է ընդունել Լեռնային Ղարաբաղում հայերի հումանիտար կարիքների և իրավիճակի վերաբերյալ, որը դատապարտում է Լեռնային Ղարաբաղի բնակչության նկատմամբ բռնության բոլոր ձևերը և կոչ է անում հակամարտության բոլոր կողմերին հարգել միջազգային մարդասիրական իրավունքի հիմնական նորմերը, հայտնում են Չեխիայում Հայաստանի դեսպանությունից։

Բանաձևը կոչ է անում Ադրբեջանին թույլ տալ միջազգային դիտորդների մուտքը Լեռնային Ղարաբաղ՝ տեղի բնակչության նկատմամբ վերաբերմունքը վերահսկելու համար, կոչ է անում բոլոր ներգրավված կողմերին զերծ մնալ Լեռնային Ղարաբաղի տարածքում գտնվող մշակութային և պատմական հուշարձանները վնասելուց և պահպանել համաշխարհային մշակութային ժառանգությունը։

Սենատորներն ընդգծում են տարածաշրջանի տուժած մարդկանց մարդասիրական օգնության և աջակցության տրամադրման կարևորությունը, կոչ են անում Չեխիայի կառավարությանն իր հնարավորությունների սահմաններում պատրաստ լինել օգնություն ցուցաբերել, հատկապես առավել խոցելի խմբերին, ինչպիսիք են երեխա ունեցող մայրերը և առանց ուղեկցության երեխաները:

https://hy.armradio.am/2023/10/19/%d5%b9%d5%a5%d5%ad%d5%ab%d5%a1%d5%b5%d5%ab-%d5%bd%d5%a5%d5%b6%d5%a1%d5%bf%d5%a8-%d5%ac%d5%a5%d5%bc%d5%b6%d5%a1%d5%b5%d5%ab%d5%b6-%d5%b2%d5%a1%d6%80%d5%a1%d5%a2%d5%a1%d5%b2%d5%ab-%d5%aa%d5%b8%d5%b2/

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում