ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ ՏԻԱՐ ՍԱՄՎԵԼ ՇԱՀՐԱՄԱՆՅԱՆ
Մեծարգո տիար Շահրամանյան,
Բուխարեստի Սրբոց Հրեշտակապետաց Առաջնորդանիստ Մայր Տաճարից մեր օրհնությունն ու շնորհավորանքներն ենք հղում Ձեզ՝ Արցախի Հանրապետության նախագահի պաշտոնում ընտրվելու կապակցությամբ:
Արցախահայությունն այսօր լրջագույն մարտահրավերների առաջ է կանգնած, ներքին ու արտաքին թշնամիները փորձում են ծնկի բերել հայ ժողովրդին և կոտրել նրա ոգին։ Բայց մենք վստահ ենք, որ դժվարին այս ժամանակահատվածում ստանձնելով կարևոր այս պաշտոնը, դուք կկարողանաք լուծել մեր ժողովրդի առաջ ծառացած խնդիրները և Ձեր հայրենանվեր ու նախանձախնդիր աշխատանքի շնորհիվ Արցախի մեր հայրենակիցները դարձյալ կկարողանան անցնել ազատ ու անկախ կյանքի՝ դուրս գալով շրջափակումից և վերադառնալով կենաց բնականոն ընթացքի։
Առ Աստված աղոթքով մաղթում ենք Ձեզ ուժ, կարողություն և հաջողություններ Ձեր ստանձնած առաքելության մեջ: Աղոթում ենք, որ Ամենակալ Աստված խաղաղ ու անառիկ պահի մեր Հայրենյաց սահմանները։
Տ. Տաթև եպիսկոպոս Հակոբյան
Առաջնորդ Ռումանիոյ թեմին հայոց
Առաջնորդական տեղապահ Բուլղարիայի հայոց թեմի
Հայրապետական պատվիրակ Բալկանյան երկրների
