Իսպանացի սենատոր Կառլես Մուլետը, ով հայտնի է իր հայամետ լինելով, ֆեյսբուքյան իր էջում շնորհավորել է հայ ժողովրդին Նավասարդ տոնի կապակցությամբ։
Կառլես Մուլետը բազմաթիվ անգամներ է հնչեցրել Արցախի հարցը Իսպանիայի Սենատում, հորդորել Իսպանիայի կառավարությանը` ճանաչել Արցախի հայերի ազգային ինքնորոշման իրավունքը, ինչպես նաև` ճանաչել Հայոց ցեղասպանությունը։
Նա մշտապես սերտ համագործակցության մեջ է գտնվում իսպանահայ համայնքի հետ և հաճախ է իր մտահոգությունը հայտնում Արցախում տիրող ներկա իրավիճակի մասին։ 44-օրյա պատերազմի օրերին Մուլետը բազմիցս հանդես է եկել Ադրբեջանի հանդեպ պատժամիջոցներ կիրառելու օգտին` համարելով այդ երկիրը բռնապետական։
orer.eu
