Փաշինյանը հանդիպեց Չեխիայի Սենատի նախագահին, իսկ այնուհետեւ հայ համայնքի ներկայացուցիչների հետ. ՕՐԵՐ-ի հարցերը վարչապետին

  • 05.05.2023
  • 0
  • 261 Views


Վարչապետ Նիկոլ Փաշինյանը հանդիպում է ունեցել Չեխիայի Սենատի նախագահ Միլոշ Վիստարչիլի հետ:

Զրուցակիցները կարևորել են երկու երկրների խորհրդարանականների միջև համագործակցության հետագա զարգացումն ու ընդլայնումը, անդրադարձել Վարչապետ Փաշինյանի` Չեխիա կատարած պաշտոնական այցի բանակցություններին ու արդյունքներին:

Հանդիպմանն անդրադարձ է կատարվել Հարավային Կովկասում տեղի ունեցող գործընթացներին, Լեռնային Ղարաբաղի հակամարտությանը, Լաչինի միջանցքի ապօրինի շրջափակման հետևանքով ԼՂ-ում ստեղծված հումանիտար ճգնաժամին, Հայաստանում Եվրոպական միության քաղաքացիական առաքելության գործունեությանը և այլ թեմաների:

Այսօր նաեւ ՀՀ վարչապետ Նիկոլ Փաշինյանը Պրահայում հանդիպում է ունեցել Չեխիայի հայ համայնքի ներկայացուցիչների հետ:

Վարչապետը պատասխանել է ներկաների բազմաթիվ հարցերի, որոնք վերաբերել են տարածաշրջանում տեղի ունեցող զարգացումներին, Լեռնային Ղարաբաղի հակամարտության, անվտանգության ոլորտում իրականացվող քայլերին, Լաչինի միջանցքի ապօրինի շրջափակման հետևանքով Լեռնային Ղարաբաղում ստեղծված հումանիտար ճգնաժամին, «իԳործ» ծրագրի շրջանակում և այլ ծրագրերով Սփյուռքի մասնագետներին ՀՀ պետական կառավարման համակարգում ներգրավման հնարավորություններին, Հայաստան-Սփյուռք հարաբերությունների, տնտեսության, զբոսաշրջության, մշակույթի և այլ ոլորտներին:

Այցի շրջանակում վարչապետը Պրահայում այցելել է «Ազատություն» ռադիոկայանի Եվրոպայի տարածաշրջանային գլխամաս: Տնօրեն Ջեյմի Ֆլայի հետ հանդիպումից հետո Նիկոլ Փաշինյանը հարցազրույց է տվել ռադիոկայանի հայկական ծառայությանը: Վարչապետի հարցազրույցը՝ Պրահայում «Ազատություն» ռադիոկայանի հայկական ծառայությանը – YouTube

ՕՐԵՐ ամսագրի հարցերն ու վարչապետի պատասխանները կներկայացնենք առանձին։

Հնարավո՞ր է, որ ռազմական տրիբունալի առաջ Դուք և ամբողջ հրամկազմը պատասխան տաք. Հակոբ Ասատրյան – YouTube

Վարչապետի պաշտոնական այցը Չեխիայի Հանրապետություն ավարտվել է:

Հանդիպման ամբողջական տեսագրությունը կարող եք դիտել այստեղ՝

Վարչապետը հանդիպել է Չեխիայի հայ համայնքի ներկայացուցիչներին – Մամլո հաղորդագրություններ – Լրատվություն – Հայաստանի Հանրապետության վարչապետ (primeminister.am)

orer.eu

Վարչապետ Փաշինյանը Պրահայում կարդինալ Դոմինիկ Դուկայի հետ ծաղիկներ է խոնարհել Սուրբ Յինդրիխի և Կունհուտի եկեղեցու պուրակում հայ-չեխական բարեկամությանը նվիրված խաչքարի մոտ։

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում