Մարտի 31-ին Լայպցիգի ֆիլհարմոնիայի Գեւանդհաուզի նվագախմբի մենդելսոնյան համերգասրահում տեղի կունենա Օհան Դուրյանի 100-ամյակին նվիրված համերգ՝ մասնակցությամբ ջութակահար Դավիթ Հարությունյանի, թավջութակահար Միքայել Հախնազարյանի եւ դաշնակահար Սոֆյա Մելիքյանի։
Ծրագրում կհնչեն Գ. Ճեբոտարյանի «Տրիո ջութակի, թավջութակի և դաշնամուրի համար» ստեղծագործությունը, Ա. Բաբաջանյանի Տրիոն՝ դաշնամուրի, ջութակի և թավջութակի համար, Յոհաննես Բրամսի 1-ին տրիոն՝ դաշնամուրի, ջութակի և թավջութակի համար եւ Կոմիտասի Երեք մանրանկարը։
Համերգի կազմակերպիչն է Լայպցիգի Հայ մշակութային միությունը։
Հիշեցնենք, որ Մաեստրո Օհան Դուրյանը ղեկավարել է աշխարհի լավագույն նվագախմբերից մեկը համարվող Լայպցիգի Գևանդհաուզը 1962-69 թթ ընթացքում՝ անջնջելի հետք թողնելով գերմանացի երաժիշտների ու երաժշտասերների հիշողության մեջ։
Համերգի տոմսերը կարող եք ամրագրել հետեւյալ հասցեով՝
Spielplan & Tickets | Gewandhaus Leipzig (gewandhausorchester.de)
ՕՐԵՐ
