Հայկական արմատներով ռուս թենիսիստ Կարեն Խաչանովը դուրս եկավ Ավստրալիայի բաց առաջնության կիսաեզրափակիչ:
Թենիսի «Մեծ սաղավարտի» տարվա առաջին մրցաշարի` Ավստրալիայի բաց առաջնության տղամարդկանց մենախաղի քառորդ եզրափակիչում Կարեն Խաչանովը մրցեց ԱՄՆ-ն ներկայացրող, աշխարհի 31-րդ ռակետ Սեբաստիան Կորդայի հետ: Երկու սեթերից հետո Կորդան վնասվածքի պատճառով հրաժարվեց հետագա պայքարից: Խաչանովը հաղթում էր երկու սեթերից հետո` 7:6, 6:3 հաշվով: Այս մասին հայտնում է Արմենպրեսը։
Թենիսի Ավստրալիայի բաց առաջնությունը «Մեծ սաղավարտի» տարվա 4 գլխավոր մրցաշարերից մեկն է: Այն անցկացվում է ավստրալական Մելբուռն քաղաքում կոշտ ծածկույթի վրա: Ավստրալիայի բաց առաջնությունն առաջին անգամ անցկացվել է 1905 թվականին: 2022 թվականին Aus Open-ի տղամարդկանց մենախաղում հաղթել է Ռաֆայել Նադալը, իսկ կանանց մրցապայքարում` Էշլի Բարտին:
Ռուս թենիսիստ Կարեն Խաչանովը չեխական արմատներով ամերիկացի Սեբաստիան Կորդայի քերծվածքի շնորհիվ դուրս եկավ Ավստրալիայի բաց առաջնության կիսաեզրափակիչ։ Սակայն իր մինչ այժմ հաջող քարոզարշավի ընթացքում նա չի մոռանում իր հայ նախնիներին և խաղերից հետո տեսախցիկների հաղորդագրությունների միջոցով իր աջակցությունն է հայտնում Լեռնային Ղարաբաղին։
Ադրբեջանի թենիսի ֆեդերացիան այժմ կատաղած է, հաղորդագրությունները համարում է հարձակում և պահանջում է անհապաղ պատժել 26-ամյա թենիսիստին։
Ռուս թենիսիստ Խաչանովը ծնվել է Մոսկվայում, սակայն հայ նախնիներ ունի, ուստի իր աջակցությունն է հայտնել նրանց։ «Արցախ, ամուր մնա»,- գրել է նա տեսախցիկին Ավստրալիայի բաց առաջնության 3-րդ տուրում ամերիկացի Ֆրենսիս Տիաֆոեի նկատմամբ տարած հաղթանակից հետո, իսկ 1/16-րդ տուրում ճապոնացի Յոսիհիտո Նիշիոկայի նկատմամբ հաղթանակից հետո նա ավելացրել է ևս մեկ հաղորդագրություն. «Մի դադարիր հավատալ. ու պայքարիր մինչև վերջ, Արցախ, մնա ամուր». հենց տեսախցիկի վրա խաղացողները սովորաբար ստորագրում են հաղթական խաղից հետո:
Հիշեցնենք, որ դեռեւս 2020 թվականի հոկտեմբերի երկուսին Կարեն Խաչանովը կոչով էր հանդես եկել` ի աջակցություն Արցախում պատերազմի դադարեցման:
«Սարսափելի տագնապով եմ հետևում Հայաստանից եկող նորություններին։ Թեպետ ծնվել եմ Ռուսաստանում, սակայն միշտ ասում եմ, որ ունեմ հայկական արմատներ։ Մինչ հոգուս խորքը ցավում եմ` տեսնելով, թե ինչ է կատարվում երկրում, որին ես շատ եմ սիրում։ Հայերը չեն սկսել եւ չեն ուզում այս պատերազմը։ Զոհվում են խաղաղ, անմեղ մարդիկ, նույնիսկ երեխաներ։ Դադարեցրեք պատերազմը։ Հայերը դեմ են պատերազմին` հայերը կողմ են խաղաղության»,- սոցցանցերի իր էջերում գրել էր Խաչանովը:
orer.eu
