Արցախի պետնախարար Ռուբեն Վարդանյանը ֆեյսբուքյան իր էջում հրապարակել է նոր հայտարարություն՝ կապված Հայաստանի եւ Ադրբեջանի ղեկավարների երեկ ասուլիսների ընթացքում հնչեցրած մտքերի։
«Հայաստանի և Ադրբեջանի ղեկավարների երեկվա ելույթները հաստատեցին, որ Արցախի համար միակ հնարավոր ընտրությունը պայքարն է։
Պետք է պայքարել՝ հույսը դնելով սեփական ուժերի վրա։
Պայքարել Հայաստանի քաղաքացիների աջակցությամբ, որոնք վերջին ընտրություններում քվեարկել են քաղաքական այն ուժերի օգտին, որոնք իրենց ծրագրերում հայտարարել են Արցախին լիակատար աջակցության մասին։
Պայքարել Սփյուռքի ակտիվ աջակցությամբ, որը ծայրահեղ իրավիճակներում միշտ հայրենիքի կողքին է եղել։
Կոչ ենք անում միջազգային հանրությանը կանգնել Արցախի կողքին՝ պաշտպանելով Արցախը բնաջնջումից և բռնազավթումից»։
orer.eu
