ՀԱՅՏԱՐԱՐՈՒԹՅՈՒՆ
Սկսած 2011 թվականից Արևմտյան Հայաստանի Վտարանդի Կառավարությունը, 2017 թվականից՝ Համահայկական Սենատը աշխատում են ներազգային եւ միջազգային հարթություններում՝ հայ ժողովրդի հողային և տարածքային իրավունքները վերականգնելու ուղղությամբ։ Հայ ժողովրդի հողային և տարածքային իրավունքները ճանաչվել են Ազգերի Լիգայի կողմից 1920 թվականի դեկտեմբերի 10-ի Տիտղոսով։
Ըստ որի Հայաստանի Հանրապետության Տիտղոսը տարածվում է ցարական ռուսատանի կազմի մեջ գտնող հետևյալ տարածքների վրա ,(ընդհանուր 70 551ք․կմ մակերես), Կարսի մարզ, Սուրմալուի գավառ, Բորչալուի գավառի մի մասը, Երևանի Նահանգ(որի կազմի մեջ է Նախիջևանի գավառը), Ելիզովետոպոլի Նահանգի մեջ ներառված՝ Զանգեզուրի գավառ, Շուշիի գավառի մեծ մասը, Ջիվանշիրի գավառի մեծ մասի վրա ։
Տիտղոսը համարվում է հայ ժողովրդի սեփականության ու ժառանգության իրավունքի անբեկանելի և անժամանցելի վավերագիրը։ Ազգերի Լիգայի կողմից 1920 թվականի դեկտեմբեի 10-ին ճանաչված Տիտղոսի մեջ հստակեցված հայ ժողովրդի իրավունքների կենսագործումը Հայաստանի, Արցախի և արտերկրի հայության օրվա և ապագայի հրամայականն է։
Ելնելով վերոնշյալից, Արևմտյան Հայաստանի Վտարանդի Կառավարությունը և Համահայկական Սենատը դիմում են հայ ժողովրդի բոլոր քաղաքական, հասարակական, սոցիալական խմբերին և, հատկապես, մտավորականությանը՝ իրավունքի ուժով վերականգնելու հայ ժողովրդի սեփականության ու ժառանգության իրավունքները միջազգային ատյաններում՝ դատական հայցի միջոց:
Հարցը քննարկելու և որոշում կայացնելու նպատակով ս.թ. փետրվարի 4-ին Երևանի ժամանակով ժամը 20 ։ 00 կանցկացվի առցանց հանդիպում։
ԱՀՎԿ վարչապետ՝ Ա․ Մկրտչյան
Ազգային Ժողովի նախագահ՝ Տ. Բագրատունի
09․01․2023թ.
Կից՝ Տիտղոսաթերթը և քարտեզը
