Ծանրորդ Սուրեն Գրիգորյանը` Եվրոպայի առաջնության հաղթող

  • 22.10.2022
  • 0
  • 58 Views

Ծանրորդ Սուրեն Գրիգորյանը գերազանցել է թուրք մրցակիցներին և դարձել Եվրոպայի Մ20 տարեկանների առաջնության հաղթող։ Այս մասին հայտնում է ԿԳՄ եւ սպորտի նախարարությունը։

🥇Ալբանիայի Դյուրես քաղաքում ընթացող Եվրոպայի Մ20 և Մ23 տարեկանների առաջնությունում հայ ծանրորդը 89 կգ քաշայինների պայքարում ոսկե մեդալ է նվաճել երկամարտի 340 կգ (155+185) արդյունքով։

🎗Գրիգորյանը պոկում վարժությունում փոքր արծաթե, իսկ հրում վարժությունում՝ փոքր ոսկե մեդալ է նվաճել:

Այս քաշային կարգում արծաթե և բրոնզե մեդալները նվաճել են Թուրքիայի ներկայացուցիչներ Կուրնազ Չանը (339 կգ) և Կուրնազ Հաքան Շուքրուն (337 կգ)։

🎗89 կգ քաշային կարգում Հայաստանի մյուս ներկայացուցիչ Գևորգ Ղահրամանյանն էլ երկամարտի 325 կգ (140+185) արդյունքով զբաղեցրել է 5-րդ հորիզոնականը: Հայաստանի ներկայացուցիչը նաև փոքր արծաթե մեդալ է նվաճել հրում վարժությունում։

🏵Հայաստանի հավաքականն արդեն 5 մեդալ է նվաճել երկամարտում։ Ավելի վաղ Մ20 մրցաշարում հաղթողի կոչումը նվաճել էին Գոռ Սահակյանը (67 կգ) և Միլենա Խաչատրյանը (76 կգ), իսկ Ռաֆիկ Մինասյանը (61 կգ) և Մնացական Աբրահամյանը (81 կգ) դարձել էին բրոնզե մեդալակիրներ։

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում