Նենսի Փելոսիի գլխավորած պատվիրակությունը այցելել է Ծիծեռնակաբերդ՝ հարգանքի տուրք մատուցելով ցեղասպանության զոհերի հիշատակին

  • 18.09.2022
  • 0
  • 105 Views

ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի գլխավորած պատվիրակությունը ԱԺ նախագահ Ալեն Սիմոնյանի ուղեկցությամբ սեպտեմբերի 18-ին այցելել են Ծիծեռնակաբերդի հուշահամալիր:

Պատվիրակության անդամները ծաղկեպսակ ու ծաղիկներ են դրել Հայոց ցեղասպանության զոհերի հիշատակը հավերժացնող անմար կրակի մոտ, լռությամբ ու խոնարհումով հարգել Սուրբ նահատակների հիշատակը։

Խոսնակ Փելոսին նաև շրջեց Հայոց ցեղասպանության թանգարան-ինստիտուտում՝ ավելին իմանալու 1,5 միլիոն հայի կյանք խլած Հայոց ցեղասպանության մասին, և գրառում կատարեց պատվավոր հյուրերի գրքում։

Հիշեցնենք, որ Նենսի Փելոսին զգալի ներդրում է ունեցել ԱՄՆ Կոնգրեսի Ներկայացուցիչների պալատի կողմից Հայոց ցեղասպանության ճանաչմանը վերաբերող բանաձեւի ընդունման հարցում։ Բանաձեւն ընդունվել է Նենսի Փելոսիի՝ որպես խոսնակ պաշտոնավարելու երկրորդ ժամկետում։

orer.eu

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում