Ֆրանկֆուրտի թանգարանը ցավում է կատարվածի համար եւ հեռացրել է Ադրբեջան գրությունը ցուցափեղկից

  • 09.09.2022
  • 0
  • 446 Views

Գերմանահայկական ընկերակցությունն իր ֆեյսբուքյան էջում անդրադարձել է Ֆրանկֆուրտի հնագիտական թանգարանում Ուրարտական ցուցանմուշների հետ կապված շփոթություն առաջացնող հարցերին, եւ ներկայացրել թանգարանի ղեկավարության պատասխանը, որին դիմել էր Գերմանահայկական ընկերակցությունը, քանի որ ցուցադրությունում Ուրարտուն ներկայացվել էր Ադրբեջան անվան տակ։

Արդեն ստացվել է թանգարանի վարիչ տնօրեն դոկտոր Վոլֆգանգ Դեյվիդի պատասխան կարծիքը, որը նա ուղարկել է Գերմանահայկական ընկերակցությանը։

«Մենք շատ ցավում ենք, որ ձեզ նյարդայնացրել է ցուցանմուշների ցուցադրումը եւ դրանց պիտակավորումը մեր ցուցափեղկերից մեկում: «Ուրարտուի կայսրությունը մի քանի նահանգային տարածքներ է գրավելլ, ինչպես դու եք գրում: Մեր ցուցահանդեսի կտորները, սակայն, վերաբերում են ներկայիս Իրանի նահանգի Ուրմիա լճի շրջակայքում գտնված վայրերին: Հետեւաբար, ցուցափեղկի պիտակավորումը հանգեցրել է որոշ թյուրիմացությունների:

Մեր աշխատանքային ցուցահանդեսը (… ) 1980-ականների վերջից սկսած ժամանակաշրջանին է ստեղծվել: Ցավոք, այն ժամանակվանից չի նորացվել: Բայց ենթադրվում է, որ մոտ ապագայում կնորացվի եւ այս համատեքստում մենք անպայման փոփոխություններ կանենք, սա նաեւ կազդի քարտեզի վրա:

Խնդրում ենք Ձեզ ըմբռնեք , որ մեզ ժամանակ է պետք թանգարանի բոլոր սրահների համար ամբողջական կոնցեպտ մշակելու համար: Այս ընթացքում հանել ենք ցուցափեղկի վրայի «Ադրբեջան» ձեւակերպումը, որը այս կոնկրետ դեպքում առնչություն ունի Իրանի հյուսիսարեւմտյան գավառի ցուցանմուշների ծագման հետ։ Մի անգամ եւս կստուգենք տեքստերը»: “

https://www.deutscharmenischegesellschaft.de

Ամբողջական պատասխանին գերմաներենով կարող եք ծանոթանալ այստեղ՝

Was hat Urartu mit Aserbaidschan zu tun? (deutscharmenischegesellschaft.de)

orer.eu

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում