ՀԲԸՄ Հայկական Վիրտուալ Համալսարանի հիմնադիր նախագահ դոկտոր Երվանդ Զորյանն արժանացել է աննախադեպ գնահատանքի։
Հարգելով դոկտոր Զորյանի ողջ կյանքի ընթացքի ձեռքբերումը և կրթության ոլորտում նրա հեղափոխական մոտեցումը՝ Կալիֆորնիայի Սանտա Կլարա քաղաքը 2022 թվականի սեպտեմբերի 1-ը հռչակել է որպես դոկտոր Երվանդ Զորյանի օր։ Այս մասին հայտնում է ՀԲԸՄ-Ն ։
Երվանդ Զորյանը ծնվել է 1956 թվականի մայիսի 17-ին, Սիրիայի Հալեպ քաղաքում։ Նրա ծնողները՝ Աբիկն ու Հիլդան կրթության ոլորտում ծառայել են Հալեպի հայ համայնքին։ Հալեպում Երվանդը սովորել է ՀԲԸՄ ավագ դպրոցում, որից հետո ուսումը շարունակել է է Միացյալ Նահանգների Լոս-Անջելես քաղաքում՝ Հարավային Կալիֆոռնիայի համալսարանում մասնագիտացել է համակարգչային ճարտարագիտության ոլորտում։ Բակալավրիական կրթություն է ստացել Փենսիլվանիայում՝ մասնագիտացել ընդհանուր կառավարման ոլորտում։
Նա հաշվողական տեխնիկայի և միկրոէլեկտրոնիկայի մասնագետ է, գիտությունների դոկտոր, պրոֆեսոր։ 2009Թվականին նրա ջանքերով հիմնվել է Հայկական վիրտուալ համալսարանը, որի հիմնադիր-նախագահն է։ Նա նաեւ Սինոփսիս Հայաստան ընկերության նախագահն է, ՀԲԸՄ Սիլիկոն Վելի մասնաճյուղի նախագահը, ՀՀ գիտությունների ազգային ակադեմիայի արտասահմանյան անդամ է 2008 թվականից։
2013 թվականին դեկտեմբերի 29-ին Երվանդ Զորյանն ու հաշվողական տեխնիկայի և տեղեկագիտության բնագավառի գիտնական Սամվել Շուքուրյանը իրենց կատարած «Թեստային լուծումներ նանոչափական բյուրեղի վրա տեղավորված համակարգերի համար. ալգորիթմներ, մեթոդներ և թեստային ներկառուցվածք» աշխատանքի համար արժանացել են Պետական մրցանակի։
Շնորհավորում ենք մեր անվանի հայրենակցին եւ մաղթում նորանոր ձեռքբերումներ։
orer.eu
