Հայ Պատանի Ըմբիշները Եւրոպայի Ախոյեանութեան Ընթացքին 5 Մետալներ Նուաճեցին

  • 01.07.2022
  • 0
  • 80 Views

ԵՐԵՒԱՆ․- Հայաստանի ազատ ոճի ըմբշամարտի պատանիներու հաւաքականը 1 արծաթէ եւ 4 պրոնզէ մետալ նուաճեց Պուխարեսթի մէջ աւարտած Եւրոպայի պատանիներու ախոյեանութեան ընթացքին, խմբային ընդհանուր դասաւորման մէջ 5րդ դիրքը գրաւելով։

Հայաստանի հաւաքականի կազմին մէջ Եւրոպայի պատանիներու առաջնութեան երկրորդ տեղը գրաւեց 51 քլկ․ դասակարգին մէջ մրցող Նարեկ Յակոբեան, իսկ պրոնզ մետալներ նուաճեցին Արման Յարութիւնեան (45 քլկ․), Սաշա Պետրոսեան (48 քլկ․), Արտաւազդ Յարութիւնեան (55 քլկ․) եւ Նարեկ Նիկողոսեան (65 քլկ․):

Արման Յարութիւնեան պրոնզէ մետալի համար պայքարին 11-0 հաշիւով պարտութեան մատնեց Թուրքիոյ ներկայացուցիչը, իսկ Սաշա Պետրոսեան 12-0 հաշիւով յաղթեց Թուրքիոյ ներկայացուցիչին:

Պրոնզէ մետալ նուաճելու մօտեցած էր նաեւ Ռազմիկ Եփրեմեան, սակայն 5-6 հաշիւով պարտութիւն կրեց:

Յունահռոմէական ոճի ըմբիշները եւս աւելի կանուխ 1 արծաթէ եւ 4 պրոնզէ մետալ նուաճած էին Եւրոպայի պատանեկան ախոյեանութեան՝ խմբային ընդհանուր դասաւորման մէջ 5րդ դիրքը գրաւելով։

Մեր գործընկերները

ՕՐԵՐ ԵՎՐՈՊԱԿԱՆ ԱՄՍԱԳԻՐ
Մենք սոց․ ցանցերում